"შალკეს" ნახევარმცველმა იულიან დრაქსლერმა დაამტკიცა, რომ მისით დაინტერესებულნი არიან ტოპ კლუბები, მათ შორის "მანჩესტერ იუნაიტედიც". "მე ძალიან დიდ მადლობას ვუხდი "შალკეს", რადგანაც აქ ჩამოვყალიბდი ფეხბურთელად. მე მსურს ხაზი გავუსვა ამას. თუმცა დგება პერიოდი, როცა წინ უნდა წახვიდე. პირდაპირ გეტყვით, ჩემი ოცნებაა ევროპის ერთ-ერთ ტოპ კლუბში თამაში. თუ წარმატების მიღწევა გსურთ, ევროპაში უნდა თამაშობდეთ. ჩემს მიმართ ინტერესს ავლენენ "რეალი", "ბარსელონა", "ბაიერნი" და "მანჩესტერ იუნაიტედი". - დაასრულა ახალგაზრდა ფეხბურთელმა.