საზაფხულო ტრანსფერების ბოლო დღეს "მანჩესტერ იუნაიტედის" მთავარ მწვრთნელს შეეძლო მესუტ ოზილის გადმობირება "მადრიდის რეალიდან", გვამცნობს Daily Mail.
სატრანსფერო ფანჯრის დახურვამდე 20 საათით ადრე, ოზილმა სამედიცინო შემოწმება გაიარა "არსენალში". მაგრამ როგორც წყარო გვამცნობს, თვითონ ფეხბურთელი "იუნაიტედში" გადმოსვლით უფრო კმაყოფილი იქნებოდა, ასევე "რეალიც" თანახმა იყო ფეხბურთელის მანჩესტერში გაშვებაზე.
მაგრამ, "წითელი ეშმაკუნების" მთავარმა მწვრთნელმა დევიდ მოიესმა არ ისურვა გერმანელის ყიდვა, რომელიც "არსენალმა" 42.5 მილიონად იყიდა. "იუნაიტედი" ცდილობდა "რეალის" ნახევარმცველის სამი ხედირას და მარცხენა მცველის ფაბიო კოენტრაოს შეძენას.
როგორც უკვე იცით, ვერც ხედირა და ვერც კოენტრაო "იუნაიტედმა" ვერ მიიღო. მოიესმა კი ამის შემდეგ მიმართა სათადარიგო გეგმას, როდესაც სატრანსფერო ფანჯრის დახურვამდე რამდენიმე საათით ადრე მარუან ფელაინი იყიდა ლივერპულის "ევერტონიდან".