ინგლისური DailyMail-ის ცნობით, დევიდ დე ხეა მზადაა "მანჩესტერ იუნაიტედთან" კონტრაქტი განაახლოს, რომლის თანახმადაც კლუბში 2018 წლამდე დარჩება. "ბარსელონა" ესპანელი ფეხბურთელის შეძენით დაინტერესდა, "იუნაიტედი" კი საპასუხოდ მისთვის ხელშეკრულების შეთავაზებას აპირებს. მიმდინარე კონტრაქტს ვადა 2015 წელს ეწურება. შეთანხმების თანახმად, დევიდის ყოველკვირეული ხელფასი 15 000 ფუნტით გაიზრდება და 75 ათასს მიაღწევს. "დევიდი პრემიერ ლიგაში ბედნიერია და ხვდება, რომ ახლა კარიერის ის მომენტია, როცა საკუთარი შესაძლებლობების წარმოჩენა ყველაზე კარგად შეუძლია. "ბარსელონასთვის" ძალიან რთული იქნება "იუნაიტედის" ამ ტრანსფერზე დაყოლიება" - ირწმუნება The Sun-ის წყარო.