"დორტმუნდის" მთავარი მწვრთნელი იუგენ კლოპი მოხარული იქნება კაგავას კლუბში დაბრუნებით, მაგრამ არ აპირებს "იუნაიტედისთვის" სუბოტიჩის დათმობას.
ინგლისური და გერმანული პრესა მთელი კვირა განიხილავდნენ მოსალოდნელ ტრანსფერს. Daily Mail-ის გერმანული წყარო ირწმუნება, რომ "იუნაიტედს" სუბოტიჩის გადაბირების შანსი არ აქვს:
"იურგენის დიდი სურვილია კაგავას კლუბში დაბრუნება. შინჯიმ კარგად იცის, რომ "დორტმუნდში" მისთვის კარი ყოველთვის ღია იქნება.
კლუბის დატოვების მომენტი მისთვის ემოციური იყო. თქვა, რომ მას გუნდის დატოვება არ უნდოდა, მაგრამ არც "იუნაიტედში" თამაშის შანსის ხელიდან გაშვება შეეძლო. ახლა მისი განწყობა შეცვლილია, შინჯის ბორუსიაში სიხარულით შეხვდებიან.
მაგრამ "მანჩესტერს" შეუძლია სუბოტიჩი დაივიწყოს. კლოპს მისი დაკარგვა არ უნდა, ის მხოლოდ 24 წლისაა და უკვე გუნდის განუყრელი ნაწილია".

წყარო: Daily Mail