"მანჩესტერ იუნაიტედმა" ერთ-ერთ წამყვან საერთაშორისო ორგანიზაცია Unicef-თან კონტრაქტი განაახლა. ეს ორგანიზაცია დაავადებულ ბავშვებს ეხმარება. ბოლო 13 წლის განმავლობაში "იუნაიტედი" პარტნიორობდა ამ ორგანიზაციასთან და ეხმარებოდა ბავშვებს. ის სახსრები, რომელიც "იუნაიტედმა" გაიღო მოახმარდება ბავშვების დახმარებას ვიეტნამში, სადაც მოზარდების 20 პროცენტი კატასტროფულ პირობებში ცხოვრობს. ამ ყველაფერზე კომენტარი გააკეთა გუნდის მთავარმა მწვრთნელმა დევიდ მოიესმა: "იუნაიტედი" ამაყობს ასეთ ორგანიზაციასთან პარტნიორობას. ჩვენ გვიხარია, რომ ბავშვებს ვეხმარებით. იმ მცირე პერიოდში, რაც მე გუნდში ვარ უკვე ვიგრძენი ის დიდი მხარდაჭერა, რომელსაც "იუნაიტედს" გულშემატკივრები მთელი მსოფლიოს მაშტაბით აძლევენ. იმედია ჩვენ კიდევ დიდი ხანი ვიქნებით ამ ორგანიზაციის პარტნიორი." - დაასრულა დევიდ მოიესმა.