ალბათ ყველას გახსოვთ ის დაუოკებელი და გაუწონასწორებელი უეინ რუნი, რომელიც წითელ ბარათებს ერთმანეთის მიყოლებით იღებდა და მრავალჯერ იყო მისი დისციპლა ინგლისური ჟურნალ-გაზეთების განკითხვის საგანი. ასაკის მომატებასთან ერთად რუნი, ასე რომ ვთქვათ, პროფესიონალ ფეხბურთელად გადაიქცა. მოუკლო უხეშობას და ბარათების რაოდენობაც საგრძნობლად შემცირდა მის "ხურჯინში". დროთა განმავლობაში სერ ალექს ფერგიუსონი მიხვდა რომ იგი მხოლოდ ფორვარდი არ იყო და სხვა პოზიციაზეც თავისუფლად შეეძლო თამაში "შრეკს." ნელ-ნელა რუნიმ "უკან დაიხია" და გარკვეული დროის შემდეგ "მანჩესტერ იუნაიტედის" გამთამაშებლად მოგვევლინა... სწორედ ეს გახდა მიზეზი იმისა რომ რუნი უკმაყოფილო იყო და ზაფხულის სატრანსფერო ფანჯრის დროსაც მისი წასვლა/არ წასვლის თემა ყველაზე მნიშვლელოვანი იყო "იუნაიტედის" ფანებისთვის"
რუნი დუმილს არღვევს და ამბობს რომ არ მოსწონდა მისი ახალი "როლი" გუნდში. ფერგის წასვლის შემდეგ კლუბს ახალი მწვრთნელი ჩაუდგა სათავეში და ამჯერად რუნი ისევ ფორვარდად მოგვევლინა. ეს უკანსკნელი კი აცხადებს რომ ახლა გუნდში თავს ბედნიერად გძნობს და მოხარულია რომ დევიდ მოიესი საშუალებას აძლევს მას ითამაშოს ფორვარდად.
"თქვენ ალბათ ამჩნევთ რომ სიტუაცია შეიცვალა..." აცხადებს რუნი. "კლუბს ახალი მწვრთნელი ჰყავს, რომელიც საშუალებას მაძლევს ვითამაშო ფორვარდის პოზიციაზე და მე ეს ყველაფერი ძალიან მახარებს. მე გამთამაშებლის პოზიციაზე პრობლემა არ მქონია, მაგრამ მე ფორვარდი ვარ და ვფიქრობ რომ ვიმსახურებ თავდასხმის ცენტრში თამაშს. სიმართლე გითხრათ იმედები გამიცრუვდა, როდესაც ბოსმა ახალი "როლი" მომარგო... თავადაც ხვდებით რომ გასული სეზონი ჩემთვის ნაკლებად წარმატებული გამოდგა."
"გუნდში ყველამ იციდა თუ სად მსურდა მე თამაში. ალბათ ასაკში რომ შევალ და ფეხებში ძალის შემცირებას ვიგრძნობ მაშინ "დავიხევ უკან", გამთამაშებლის პოზიციაზე, მაგრამ ახლა მე მიმაჩნია რომ ფორვარდად ყოფნა არის ჩემთვის საუკეთესო ვარიანი. მე არ ვამბობ რომ კლუბს აუცილებდად დავტოვებდი თუ სიტუაცია არ შეიცვლებოდა, მაგრამ მე დამჭირდა გამომეჩინა ეგოიზმი იმისათვის რომ ჩემი კარიერა უკეთესობისკენ შეცვლილიყო."
შეგახსენებთ რომ რუნის კონტრაქტი ორ წელში ეწურება და იგი ჯერ არ არის დარწმუნებული გაახანგრძლივებს თუ არა ხელშეკრულებას.
"სიმართლე რომ გითხრათ, მთელი ზაფხულის განმავლობაში ვფიქრობდი ჩემს მომავალზე. შეიძლება ერთი შეხედვით არ ჩანდა, მაგრამ დანამდვილებით გეტყვით რომ ეს ასე იყო. მე საუბრები მქონდა კლუბის ხელმძღვანელობასთან და ყველამ კარგად გამიგო თუ რატო ვიყავი უკმაყოფილო გუნდში."
"მე და ჩემს მეუღლეს შვილი შეგვეძინა და მე ამ ფაქტმა დიდი სიხარული მომგვარა. არ ვაპირებ გამოვიდე და ვთქვა, ვაპირებ გუნდში დარჩენას თუ წასვლას. მე მხოლოდ ჩემს თამაშზე ვარ კონცერნტრირებული და ვნახოთ მომავალში რა იქნება." - დაასრულა რუნიმ.