"მანჩესტერ იუნაიტედის" თავდამსხმელი ხავიერ ერნანდესი გუნდს ანიშნებს, რომ მან შეიძლება კლუბი დატოვოს სათამაშო დროის უქონლობის გამო.
შეგახსენებთ, რომ ჩიჩარიტოს "იუნაიტედში" სერიოზული კონკურენცია აქვს ვან პერსისთან, რუნისთან და დენი უელბეკთან. ჩიჩარიტო ბედნიერია "იუნაიტედში" თამაშით, მაგრამ აღიარებს, რომ თამაშის საშუალება არ ეძლევა.
"მე მივისწრაფი ხშირი თამაშისკენ. ვმუშაობ სრული დატვირთვით და მინდა ძირითადში მოხვედრა. ვიცი, რომ შემიძლია ნებისმიერ კლუბს დავეხმარო. მოხარული ვარ აქ თამაშით, რადგან იუნაიტედი ერთ-ერთი საუკეთესოა მსოფლიოში. ყოველდღე სერიოზული დატვირთვით ვვარჯიშოვ , რომ სასტარტოში მოვხვდე. მინდა შესაძლებლობა მომეცეს და დავამტკიცო რაც შემიძლია. მინდა წვლილი შევიტანო გუნდის გამარჯვებებში, თუმცა ძალიან ცოტა დრო მეძლევა სათამაშოდ." - დაასრულა ჩიჩარიტომ.