დევიდ მოიესი მოხარულია იჯარით გაშვებული ფეხბურთელების წარმატებებით და თვლის, რომ ახალგაზრდული სისტემა წარმატებით მუშაობს. ნიკ პოუელი (უიგანი), ჯესი ლინგარდი (ბირმინგემი), ფედერიკო მაკედა (დონკასტერი) და ანხელო ენრიკესი (სარაგოსა) - ყველა მათგანი იჯარის წესით თამაშობს და შედეგიანად - ლინგარდმა დებიუტშივე ოთხი გოლი გაიტანა, პოუელმა "იფსვიჩს" გაუტანა, მაკედას ანგარიშზე კი ბოლო 5 მატჩში 3 გოლია. "ეს იმაზე მეტყველებს, რომ გუნდს კარგი დამხმარე ფეხბურთელები ჰყავს, რომლებსაც უფლებას ვაძლევთ იჯარით სხვა კლუბში გავუშვათ. ისინი კი ახალ კლუბში თავს ყველაფერს კარგად ართმევენ. მოხარული ვარ ნიკის, ჯესის და ფედერიკოს შედეგებით. ისინი კარგად მუშაობენ, განსაკუთრებით მახარებს ახალგაზრდების წარმატებები. ამავდროულად, ვცდილობთ მათ სათამაშო პრაქტიკა მივცეთ, რომ ისინი მზად იყვნენ დიდი ფეხბურთის სათამაშოდ მაშინ, როცა მათი დრო დადგება." - განაცხადა მოიესმა.