გავრცელდა ინფორმაცია რომ ბრაზილიური გუნდი "კორინთიასი" რაფაელით დაინტერესდა და სეზონის ბოლოსთვის აპირებს ოფიციალურად მიმართოს "იუნაიტედის" თავკაცობას. ასევე ბრაზილიაში საუბრობენ იმაზეც რომ 23 წლის მცველი ამ შეთავაზებას დათანხმდება და ამით ლუიშ ფელიპე სკოლარის ეროვნულ ნაკერების შემადგნელობაში მოხვედრის შანსებს საგრძნობლად გაიზრდის. თუმცა ამ ყველაფრისდა მიუხედავად თავად რაფაელმა ეს ჭორები უარყო და აცხადებს რომ ვერანაირ მიზეზს ვერ ხედავს თუ რატომ უნდა წავიდეს ამჟამინდელი პრემიერ ლიგის ჩემპიონების რიგებიდან.

"მე არც მიფიქრია ამ გუნდის დატოვება, მითუმეტეს ახლა, როდესაც წინა სეზონი შესანიშნავად ჩავატარე და ახალი გამოწვევებისთვის ვემზადები." აცხადებს რაფაელი Lancenet-თან ინტერვიუში. "არავითარი მიზეზი არ მაქვს სხვა კლუბში გასავლისა. მე აქ მშვენივრად ვგრძნობ თავს და არც მიფიქრია ბრაზილიაში დაბრუნებაზე."

შეგახსენებთ რომ ფაბიო და რაფაელი კლუბს 2008 წლიდან შეურთდნენ და ამ უკანასკნელს "ეშმაკუნების" მაისურით უკვე 130 მატჩი დაუგროვდა. თავად კი ფიქრობს რომ იგი გასული სეზონის ერთ-ერთი საუკეთესო მოთამაშე იყო სერ ალექს ფერგიუსონის შეგირდებიდან, რომელმაც ყველსგან მოულოდნელად სამწვრთნელო კარიერა დაასრულა.

გასული სეზონის შემდეგ კლუბში ახალი მწვრთნელი დაინიშნა. თუმცა რაფაელს მასზე შთაბეჭდილების მოხდებაში ხელი მუხლის ტრავმამ შეუშალა, რომელიც Community Shield-ის მატჩში მიიღო Wigan Athletic-ის წინააღმდეგ. მაგრამ გასულ შეხვედრაში რაფაელი მწყობრში იყო და ამ სეზონის განმავლობაში პირველად მოხვდა სასტარტო შემადგლობაში "შავი კატების" წინააღმდეგ.

წყარო: SkySPORTS