როგორც ცნობილია ინგლისის ნაკრების გადამწყვეტი თამაშები იქნება უემბლიზე პოლონეთის და მონტენეგროს ნაკრებების წინააღმდეგ, სწორედ აქ გაირკვევა შეძლებს თუ არა "სამი ლომი" 2014 წლის მსოფლიო ჩემპიონატის საგზურის მოპოვებას, ამ მატჩებში მონაწილეობას მიიღებენ დანიელ სტარიჯი და უეინ რუნი, რომლებმაც უკრაინასთან გასვლითი მატჩი გამოტოვეს ტრავმების გამო, რის შედეგადაც ნაკრებს ძალიან უჭირდა, ამიტომ ინგლისის ნაკრების კაპიტანი სტივენ ჯერარდი თვლის, რომ ახლა ინგლისს ყველანაირი შანსი აქვს ბრაზილიაში მოსახვედრად, და ისინი ამისთვის ყველაფერს გააკეთებენ.
"ჩვენი ბედი ამ ორ თამაშში გადაწყდება, ჩვენ ვიცით რას ნიშნავს ასეთ დროს და ასეთ გუნდებთან თამაში, რომლებთაც უამრავი მაღალი დონის ფეხბურთელი ჰყავთ, მაგრამ უნდა ვთქვა, რომ ჩვენ უფრო ძლიერი გუნდი გვყავს, რუნიც და სტარიჯიც მიიღებენ მონაწილეობას ამ მატჩებში და შესაძლოა ამ ორმა ფორვარდმა გადამწყვეტი როლიც ითამაშონ ამ ჯგუფში, იმედი მაქვს, რომ ისინი მატჩის დროს კარგ ფორმაში იქნებიან და მოვიპოვებთ 6 ქულას რათა მსოფლიო 2014-ის საგზური მოვიპოვოთ." – დაასრულა ჯერარდმა.