ზალცბურგის "რედ ბულის" 21 წლის მცველი მარტინ ჰინტერჯერი, შესაძლოა "იუნაიტედში" გადავიდეს. ავსტრიელ 21 წლის მცველს მანჩესტერული კლუბის გარდა, "არსენალი" და "ლივერპული" აკვირდება.
მხოლოდ ინგლისური კლუბები არ იჩენენ ინტერესს ავსტრიელის მიმართ. იტალიის "ლაციო" და "იუვენტუსი" ასევე იბრძვიან, რომ მცველი გადაიბირონ.
თუმცა ყველაზე მნიშვნელოვანი ის არის, რომ მთავარი ამ ბრძოლაში "იუნაიტედია" და სწორედ ამ კლუბისგან მოდის ყველაზე დიდი ინტერესი.
"არის ინტერესი "იუნაიტედისგან" და ასევე რამდენიმე დიდი იტალიური კლუბისგან" - აცხადებს ჰინტერეჯერის პრეს-აგენტი.
"მე ვამაყობ ამით. რეალურად, მე არ ვფიქრობ, რომ ეს ასე სწრაფად მოხდება. ჩემი მიზანი მუდამ იყო მეთამაშა "რედ ბულში", თუმცა ასეთი შემოთავაზებები ჩემთვის სასიხარულოა." - აცხადებს ავსტრიელი.
"მე ვისაუბრებ ჩემს აგენტთან, ფრენკ შრეიერთან და თუ იქნება რაიმე მსგავსი შემოთავაზება, აუცილებლად განვიხილავთ. მე არ ვარ მეოცნებე და ვიცი, რომ ამ კლუბებს მრავალი ფეხბურთელი აინტერესებთ." - განაცხადა მარტინ ჰინტერეჯერმა.

წყარო: "სქაისპორტი"