ახალ სეზონს შეხვდნენ ახალი მწვრთნელით. დიდი ფერგიუსონი ტოვებს თანამდებობას და მის ნაცვლად პოსტზე ინიშნება დევიდ მოიესი. დევიდ მოიესი - 2002-2013 წლებში "ევერტონის" მთავარი მწვრთნელი, ხოლო 2013 წლიდან დღემდე მანჩესტერ "იუნაიტედის" თავკაცი. მე არ დავიწყებ იმაზე საუბარს, რომ ხელმძღვანელობამ იჩქარა და არ დავიწყებ იმის ახსნას, რატომ არ ვარგა მოიესი, რადგან ამის ნამდვილი პასუხი არავინ არ იცის, თუმცა არ ვარგა ცოტა რთული სათქმელია ასეთი ცოტა ხნის კვალობაზე, მაგრამ ვერ ვპოულობ სხვა სიტყვას იმასთან დაკავშირებით, რასაც დევიდ მოიესი აკეთებს-ავრცელებს განცხადებას, სადაც ნათქვამია, რომ ევრო ტურნირზე "იუნაიტედს" წარმატების მიღწევა არ შეუძლია. ეს ცოტა რთული გასაგებია ფანებისთვის და რა თქმა უნდა ფეხბურთელებისთვის და საერთოდაც მისთვის, რადგან ვინ არის ერთ-ერთი უმნიშვნელოვანესი გარანტი წარმატებისა, თუ არა მთავარი მწვრთნელი, მაგრამ დღეს გვაქვს ცოტა განსხვავებული რეალობა - უდრეკი გუნდის, წესით უდრეკი მწვრთნელი გამოდის და აკეთებს მსგავს განცხადებას.

დევიდ მოიესის იმედი მე პირადად არასდროს მქონია და არც ახლა მაქვს, მაგრამ ყველაზე მეტად არ ველოდი იმას, რასაც ახლა ვხედავ, რასაც ახლა ვკითხულობ. მანჩესტერი აღარ ჰგავს იმ მანჩესტერს, რომელსაც მე, თქვენ და ყველანი ვხედავდით ფერგიუსონის დროს. მწვრთნელების შედარებას არ ვაპირებ, რადგან ეს ისეა ერთმანეთისთვის, როგორც ცა და დედამიწა და როგორც მანჩესტერი და "ჩელსი"(ხუმრობით).მე შეიძლება ზედმეტად ვაკრიტიკებ, რადგან ფერგის მანჩესტერი ვნახე, მინახავს, როგორ თამაშობდნენ ეს ბიჭები, აგებდნენ თუ იგებდნენ ორივეს გმირულად აკეთებდნენ და ახლაც ასეა, რადგან სახელი და ფეხბურთელები საბედნიეროდ არ შეცვლილან რადიკალურად, საბედნიეროდ უეინ რუნი ისევ აქ არის, აქ არის რიო ფერდინანდი, აქ არის ლუიზ ნანი, მაიკლ კერიკი და ა.შ. თუმცა ვფიქრობ, რომ ვინც არ უნდა მოიყვანო და ათამაშო, ვინც არ უნდა შემოიყვანო შეცვლაზე, რაც არ უნდა ქნა, თვითონ შენ თუ ხარ დარწმუნებული იმაში, რომ შენს ქმედებას აზრი არ აქვს-მანდ ყველაფერი მთავრდება. და მაინც ვიტოვებ იმედს, რომ ეს ყველაფერი არის სიზმარი და რომ შენ კარგად შეგიძლია გუნდის ათამაშება და ვფიქრობ, იქნებ ასე იმიტომ გკიცხავ, რომ მე ფერგიუსონის გაწვრთნილი გუნდი ვნახე, ბოს?..