"იუნაიტედის" ყოფილი მეკარის მწვრთნელმა ერიკ სტილმა ისაუბრა, თუ როგორ შეეგუა დევიდ დე ჰეა ახალ კლუბს და რისი შეცვლა მოუწია მას თავის თავში.

"ჩვენ ბევრი კითხვა გვქონდა მის ცხოვრების სტილთან დაკავშირებით. დევიდ მიჩვეული იყო დღის განმავლობაში 2-3 ჯერ ძილს და გვიან საღამოს ჭამას. ჩვენ მას ბევრს ვამუშავებდით ტრენაჟორების დარბაზში და ვასმევდით პროტეინებს. რა თქმა უნდა, მისთვის ტრენაჟორებით ვარჯიში იყო უჩვეულო. ესპანეთში ასეთ რამეებს ყურადღებას არ აქცევენ. ჩვენ ის უნდა გაგვეხადა უფრო ძლიერი ფეხბურთელი." - გადმოგვცემს ერიკ სტილის სიტყვებს Goal.com.

"ის მხოლოდ 71 კილოგრამს იწონიდა. ჩვენ მასთან ძალიან ბევრს ვმუშაობდით. ერთხელ, როცა ვარჯიში დასრულდა, ის აპირებდა სახლში წასვლას. ჩვენ მას ვუთხარით, რომ ის უნდა მოსულიყო დღის მეორე ნახევარში დამატებითი ვარჯიშების ჩასატარებლად. მას ძალიან გაუკვირდა და გვკითხა 'რატომ?', მაგრამ ყოველდღიური მუშაობა იყო აუცილებელი."

"მის პირველ ინგლისურ სეზონში იყო დღეები, როდესაც ის ცუდად ვარჯიშობდა. მაშინ მე მას ვუთხარი, რომ ფეხბურთელები თვითონ გამოიმუშავებენ ადგილს შემადგენლობაში და არ ელოდებიან როდის გადაწყვიტავს მწვრთნელი მის ნახვას საქმეში. ის უნდა ყოფილიყო საუკეთესო ვარჯიშებზე და ერთი მათგანი. საბედნიეროდ, მან გაიგო ჩემი რჩევა."