ანდერსონი თავის თანაგუნდელებს მოუწოდებს, რომ დაივიწყონ გუშინდელი მატჩი და "შახტარზე" იფიქრონ. ბრაზილიელის აზრით ჩემპიონთა ლიგაზე გამარჯვება აუცილებელია.
"იუნაიტედის" რვიანს ამ მატჩში ნამდვილად არ გაუმართლა, რადგან მისი თავური ძელს მოხვდა. ანდერსონი მიიჩნევს, რომ მან და მისმა თანაგუნდელებმა შეცდომებზე უნდა ისწავლონ, რათა წინსვლა განაგრძონ.
"ვფიქრობ, "ვესთ ბრომვიჩი" ძლიერი მეტოქეა. მიუხედავად ამისა ჩვენ რამდენიმე სახიფათო მომეტი მაინც შევქმენით, მაგრამ სამწუხაროდ ჩვენი შანსები ვერ გამოვიყენეთ. მეტოქემ კი თითოეული მომენტიდან მაქსიმუმი გააკეთა".
"როგორც ყოველთვის, ახლაც გავაგრძელებთ ვარჯიშს და ჩვენი შეცდომების გამოსწორებას შევეცდებით"_განაცხადა ანდერსონმა ოფიციალურ საიტთან ინტერვიუში. "ჩვენი მიზანია ყველა იმ ტურნირში გამარჯვება სადაც ვასპარეზობთ. ამიტომ აუცილებელია მომავალ მატჩზე ვიფიქროთ. აუცილებლად გამოვავლენთ ჩვენ ხასიათს. ყველამ კარგად იცის, რომ "იუნაიტედი" არის დიდებული კლუბი, მიუხედავად სირთულეებისა მნიშვნელოვანია მომავალზე ფიქრი".