დევიდ მოიესის შენაძენი უკვე მოხვდა შემადგენლობაში, ჩვენ კი უკვე მასზე დასკვნების გამოტანა თავისუფლად შეგვიძლია.
პირველი რაც თვალში მოსახვედრია - მარუან ფელაინი არ თამაშობს თავდამსხმელების უკან, როგორც "ევერტონში" თამაშობდა. ის ცენტარლური ნახევარმცელის პოზიციას იკავებს.
თვითონ ფელაინიმ განაცხადა, რომ მას დაცვაში უფრო უყვარს ჩართვა, რაც გასაკვირი არ უნდა იყოს მისი ფიზიკური მდგომარეობის გამო.
მისგან ბევრ გოლს არ უნდა ველოდეთ, მაგრამ ის აუცილებლად მოუტანს სარგებელს "იუნაიტედს" დაცვაში, საჰაერო ორთაბრძოლებში და რაც მთავარია მოედნის ცენტრის დაჭერაში. ეს ყველა შესაძლებლობა მან ძალიან კარგად გამოამჟღავნა "კრისტალ პალასთან" და "ლევერკუზენთან". ამ მატჩებში ფელაინიმ რამდენიმე სახიფათო მომენტი შექმნა, მაგრამ ნახევარდაცვაში უკეთესად მოქმედებდა.
ბელგიელმა თითქმის ყველა საჰაერო ორთაბრძოლა მოიგო და გამოავლინა თავისი ნიჭი. ტომ ქლევერლისგან განსხვავებით, მარუანს უფრო მეტი სწორი გადაცემების პროცენტული მაჩვენებელი ჰქონდა: 88 პროცენტი.
მარუანს არა მარტო ძალიასხმიერი თამაში შეუძლია, მისმა გოლის გატანის მცდელობებმა "პალასის" და "ბაიერის" წინააღმდეგ დაგვანახა, რომ მას ბევრი რამ შეუძლია. WhoScored-მა ფელაინის ასეთი შეფასებები მისცა - 6.78 და 7.67, რაც ნამდვილად არ არის ცუდი. საერთო ჯამში ფელაინის კარიერას "იუნაიტედში" წარმატებული უნდა დაერქვას.
მაგრამ დაიწყო მანჩესტერული დერბი
ყველაზე დიდი მატჩი წითლების მაისურით, ან კიდევ მთელი კაიერის მანძილზე, ბელგიელისთვის სრული იმედგაცრუება გამოდგა. ფელაინი ია-ია ტურემ ყველა კომპონენტში დაჯაბნა.
ჩარლი სკილენმა The Daily Mail-დან დაწერა, რომ სტატისტიკურად ფელაინი უკეთესად გამოიყურებოდა, მაგრამ მისმა გადაცემებმა ფლანგზე "სიტის" პირიქით საქმე გაუადვილეს.
ტურემ ბელგიელზე ცოტა გადაცემა გააკეთა, მაგრამ მინდორზე უფრო მეტი სარგებელი მოუტანა საკუთარ კლუბს. ტურემ მატჩი შესანიშნავად ჩაატარა.
ფელაინის კიდევ ბევრი შანსი მიეცემა თავის გამსაჩენად. მისი მთავარი დავალება "შავი სამუშაოს" გაკეთება იქნება, რამაც პოლ სქოულზის წასვლის შემდეგ იჩინა თავი. ვერც კერიკი და ვერ ქლევერლი ვერ გააკეთებენ ამდენ საქმეს ყოველ მატჩში.
საერთო ჯამში, "სიტისთან" ჩაგდებული მატჩის მიუხედავად ფელაინი მაინც ოპტიმიზმს იწვევს ,კლუბის უმეტეს გულშემატკივარში. მოდით ვნახოთ, თუ როგორ ჩაატარებს ის მატჩს "ვესტ ბრომვიჩ ალბიონის" წინააღმდეგ.