"მანჩესტერ იუანიტედი" ყურადღებით დააკვირდება ანდერ ერერას შემდეგ გამოსვლას "ატლეტიკ ბილბაოს" შემადგენლობაში. როგორც The Telegraph იტყობინება დევიდ მოიესი კვლავ თვალს ადევნებს 24 წლის ნახევარმცველს.
"იუანიტედმა" ვერ შეძლო ერერას გაფორმება სატრანსფერო ფანჯრის ბოლო დღეს, რადგან მათ უარი თქვეს ესპანელში 30.5 მილიონი ფუნტის გადახდაზე. ასევე ვრცელდებოდა ინფორმაცია, რომ შეთანხმების ჩაშლის მიზეზი ერერას "ბილბაოსთან" კონტრაქტში არსებული სირთულეები აღმოჩნდა. კიდევ ერთი დამაბრკოლებელი ფაქტი კი ის იყო, რომ ერერა ვერ მოახერხებდა თავიდანვე ძირითად შემადგენლობაში მოხვედრას.
ბოლო პრობლემის აღმოსაფხვრელად, "იუნაიტედი" კარგად შეისწავლის ერერას თამაშს, სწორედ ამიტომ გუნდის სკაუტები დაესწრებიან ესაპანელის თამაშებს.
გამოცემის მიხედვით, მოესი ამ ზამთარს კიდევ ერთხელ შეეცდება ერერას შეძენას. ასევე "იუნაიტედის" მთავარი მწვრთნელი მზადაა იანვარში გააგრძელოს მოლაპარაკებები "ევერტონის" მცველ ლეიტონ ბეინსთან.