"იუნაიტედის" ბოსი დევიდ მოიესი დარწმუნებულია, რომ გასული სეზონის საუკეთესო ბომბარდირი მზად იქნება "კაჭკაჭებთან" სათამაშოდ, მას შემდეგ რაც ტრამვის გამო მან გამოტოვა მანჩესტერული დერბი და "ლივერპულთან" დაპირისპირება. რაც შეეხება კლევერლის, მანაც ასევე გამოტოვა "ლიგის თასის" დაპირისპირება, სადაც ცენტრალური ნახევარდაცვის პოზიცია გიგზისა და ჯონსის წყვილმა დაიკავა.
"რობინი დაბრუნდა და მზადაა სათამაშოდ" განაცხადა მოიესმა პრესკონფერნციაზე. "არ ვიცი მას გამოვიყენებთ თუ არა, მაგრამ მან დღეს ივარჯიშა და ახლა ჯანმრთელია."
"ტომმა დღეს ცოტა ივარჯიშა, თუმცა მისი ტრამვა არაა სერიოზული. მან მხოლოდ მუხლი იტკინა ვარჯიშზე და ჩვენ ცოტა ვინერვიულეთ, თუმცა მას სერიოზული ტკივილი არ უგრძვნია. მან დღეს ივარჯიშა და იმედია ხვალისთვის მზად იქნება."
მოიესმა ასევე აღიარა, რომ ჯერ კიდევ სწავლობს მუშაობას "ოლდ ტრაფორდზე", თუმცა დარწმუნებულია, რომ მანჩესტერულ დერბიში წაგების შემდეგ მისი გუნდი მოახერხებს დაბრუნებას და 3 ქულის აღებას.
"მე ყოველ კვირა ვსწავლობ 'მანჩესტერ იუნაიტედის' მთავარ მწვრთნელად დანიშვნის შემდეგ" განაცხადა მან. "მე პირველივე დღეს ვისწავლე რაღაც და ჯერ კიდევ ვაგრძელებ ამას."
"მე არ ვფიქრობ, რომ ეს შეიცვლება დიდი ხნის განმავლობაში. მე ვფიქრობ, რომ მწვრთნელი, რომელმაც ახლახან დატოვა გუნდი ყოველთვის სწავლობდა. მე ახალი ვარ, ამიტომ ჯერ კიდევ სწავლის პროცესში ვარ."
"ჩემი აზრით დიდი მატჩების თამაში გუნდის ნაწილია. ეს კლუბი ყოველთვის თამაშობს დიდ თამაშებს, დიდ ფინალებს, რომელთაც ძალიან დიდი მნიშვნელობა აქვთ. ამ კვირაში რამდენიმე მნიშვნელოვანი თამაში ვითამაშეთ, ზოგში კარგად გამოვედით, ზოგში ცუდად."
სტივ კლარკის "ალბიონმა" პირველი სამი ქულა გასულ შაბათს დააგროვა "სანდერლენდის" წინააღმდეგ და "ლიგის თასზე" "არსენალთან" დამარცხდნენ პენლების სერიაში.
"სტივი შესანიშნავად მუშაობს" - დაამატა მოიესმა. "წინა სეზონში მათ 'პრემიერ ლიგაში' მერვე ადგილი დაიკავეს, როცა 'ევერტონს' ვხელმძღვანელობდი ისინი ზუსტად ჩვენს თავზე იდგნენ და მხოლოს ტოპ კლუბებს ჩამორჩებოდნენ."
"მან შესანიშნავად გაართვა თავი სამუშაოს როი ჰოჯსონის წასვლის შემდეგ, მე ვფიქრობ 'ვესტ ბრომვიჩი' ძალიან სტაბილური გუნდია და ისინი მუდამ პროგრესირებენ. მათ სატრანსფერო ფანჯრის ბოლო დღეს რამდენიმე ტრანსფერი განახორციელეს და გუნდი ძალიან გააძლიერეს."