ინგლისის თასის გათამაშებაში "მანჩესტერ იუნაიტედმა" ერთ-ერთი მთავარი მეტოქე და კონკურენტი "ლივერპული" მძიმე ბრძოლაში გამოთიშა ასპარეზობას. მანჩესტერელებმა შეხვედრა 1-0 მოიგეს და ეს ერთადერთი ბურთი მექსიკელმა ლეგიონერმა ხავიერ ერნანდესმა გაიტანა. სწორედ ჩიჩარიტოს მიუძღვნა "daily maily"-მა საკმაოდ ვრცელი სტატია, რომელშიც საინტერესო სტატისტიკა და შედარებებია გაკეთებული.
"მექსიკელს წლევანდელ სეზონში, "ემიუს" სხვა ფორვარდებისგან განსხვავებით, პირველად მიეცა მოედანზე გამოსვლის შანსი და მან ეს მშვენივრად გამოიყენა. უეინ რუნის ჩამოწოდებულ ბურთს ჩიჩარიტომ ადგილი ლივერპულელთა კარში მიუჩინა და ამით შემდეგ ეტაპზე "იუნაიტედი" გაიყვანა. საინტერესოა, საკმარისი იქნება თუ არა ეს მოიესისათვის, რათა შემდეგ მატჩებში უფრო მეტი დრო და შანსი მისცეს ფორვარდს".
თუ შარშანდელ სეზონს გავიხსენებთ, ჩიჩარიტო მაშინაც "იჩაგრებოდა", სერ ალექს ფერგიუსონი ნაკლებად ენდობოდა მექსიკელს, თუმცა კი, როცა მისი არსებობა ახსენდებოდა, ერნანდესსაც მაშინვე მოჰქონდა სარგებელი კლუბისთვის. თავად განსაჯეთ: გასულ სეზონში ჩიჩარიტომ მხოლოდ 22 მატჩი დაიწყო ძირითად შემადგენლობაში თამაში და 18 გოლი გაიტანა, რუნიმ 31 თამაშში - 16, ხოლო უელბეკმა 23 შეხვედრაში მხოლოდ 2.
"მას მოკლე დროში შეუძლია ბურთის დამორჩილება, მოწინააღმდეგის მოტყუება და კარში დარტყმა, ეს შარშანდელ სეზონში მშვენივრად ჩანდა, როცა ლონდონის "ჩელსის" 3 გოლი გაუტანა, ლონდონურ კლუბებს კი, მთლიანობაში, 7 გოლი 12 თამაშში. "ლივერპულის" კარში ჩიჩარიტოსთვის ეს მასემე გატანილი გოლი აღმოჩნდა. ასევე დასამახსოვრებელი იყო მანჩესტერელების ქამბექი "ასტონ ვილასთან", როცა გუნდი 2-0 მარცხდებოდა და შეცვალზე შემოსულმა მექსიკელმა ჰეთთრიკის შესრულება შეძლო. მოიესმა თუ ამ შეხვედრების შესახებ არაფერი იცის, ის მაინც უნდა ახსოვდეს, რომ ხავიერ ერნანდესმა მის ყოფილ გუნდს, "ევერტონს" ორჯერ გამარჯვების გოლი გაუტანა."
"მიუხედავად ასეთი კარგი სტატისტიკისა, ერნანდესს აქვს გარკვეული უარყოფითი მხარეები, თუნდაც მისი ფიზიკური მონაცემები... თუმცა ამაზე მნიშვნელოვანი მისი უთამაშებლობაა, რაც ნამდვილად გამოიჩენს თავს ადრე თუ გვიან. გასული სეზონის შემდეგ, ფეხბურთელი მოწადინებულიც იყო სხვა კლუბში გადასვლაზე, მისდამი ინტერესს "ვალენსია" და მადრიდის "რეალი" იჩენდნენ, თუმცა საბოლოოდ ხავიერი "ემიუში" დარჩა და შარშანდელი პრობლემა ანუ მისი უთამაშებლობა კვლავ ძალაშია... უელბეკის, რუნისა და ვან პერსისგან განსხვავებით, ჩიჩარიტო სწორედ "ლივერპულთან" გამოჩნდა ამ სეზონში პირველად მოედანზე... გამოჩნდა და გამარჯვების გოლიც გაიტანა"
"თავმდაბალი მექსიკელი, კლუბში ასეთ მცირე დროში ასეთი შედეგიანობის გარდა, ნაკრებშიც წარმატებულია. ის თავისი სტატისტიკით რონალდუსა და მესისაც კი სჯობს. 55 თამაშში ხავიერს 35 გოლი აქვს გატანილი, რონალდუს 106 (43), მესის 78 (39). "