ალექსანდრ ბიუტნერი მოხარულია, რომ მოახერხა სეზონში პირველი მატჩის ჩატარება და მონაწილეობა მიიღო "ლიგის თასზე" "ლივერპულის" დამარცხებაში.
ჰოლანდიელმა შესანიშნავად ითამაშა მარცხენა მცველის პოზიცაზე და შეტევებშიც კარგად ერთვებოდა.
"ძალიან კარგია, რომ მოვახერხე თამაშის ჩატარება" განაცხადა მცველმა. "მე ვხედავ, რომ ეხლა კარგ ფორმაში ვიმყოფები. ეს იყო კარგი თამაში და თავს შესანიშნავად ვგრძნობდი."
ბიუტნერმა აღიარა, რომ გასახდელში ორმაგი ნერვიულობა იყო, რადგან მათ ძალიან ესაჭიროებოდათ გამარჯვება მანჩესტერულ დერბიში დამარცხების შემდეგ. ერთ-ერთ მთავარ მოწინააღმდგესთან წაგებამ "წითლებს" მოგების სურვილი გაუზარდა.
"ეს იყო მნიშვნელოვანი გამარჯვება. ყველას უნდოდა მოგება, მას შემდეგ რაც წინა თამაშში ნახეს. ჩვენ გუნდურად ვითამაშეთ და ყველას სახეზე ნახავდით, რომ ჩვენ ძალიან გვსურდა გამარჯვება."
"ყველამ იცის, თუ რა მოხდა წინა თამაშში. შედეგი არ იყო კარგი და ჩვენ უნდა გვებრძოლა გამარჯვებისთვის. გუშინ ნახეთ, რომ თამაშის ბოლო წამებამდე არ გავჩერებულვართ. ჩვენ კარგად ვითამაშეთ."