ხავიერ ერნანდესის გოლის გატანის საოცარი ინსტიქტი უყურადრებოდ არ დარჩენიათ მის თანაგუნდელებს და დევიდ მოიესს. სწორედ ამ ინსტიქტის ხარჯზე გუშინ ჩიჩარიტომ "იუნაიტედი" "ლიგის თასის" შემდეგ ეტაპზე გაიყვანა.
თავდამსხმელმა ძალაინ დიდი როლი ითამაშა გუნდში, მან 46-ე წუთზე მოიპოვა კუთხური, რომელიც თავადვე გოლად გადააქცია.
მისმა თამაშმა ყველას დაანახა მისი მნიშვნელობა გუნდისთვის, ტაქტიკური ცვლილების გამო, 74-ე წუთზე ის ჩაანაცვლა კერიკმა, თუმცა მისი გოლი თამაშში გადამწყვეტი აღმოჩნდა.
"მე ვფიქრობ საჯარიმოში ძალიან დიდი მნიშვნელობა აქვს მოძრაობას, ასე შეგიძლია ჩამოიშორო უმაღლესი კლასის მცველები" განაცხადა მოიესმა. "სწორედ ეს გააკეთა ჩიჩარიტომ და შესანიშნავადაც გამოუვიდა - მისი მოძრაობა საჯარიმოში იყო ფანტასტიური."
"ეს იყო ნამდვილი ცენტრ-ფორვარდის მოძრაობა. სწორედ ასე ახერხებს ჩიჩარიტო თავისი გოლების უმრავლესობის გატანას. ყოველთვის, როცა ჩიჩარიტოზე ვლაპარაკობ ხალხი ერთ რამეს მეუბნება მასზე. ის შესანიშნავია საჯარიმოში და ასე იტანს გოლებს."
"მისი დიდი დამსახურებაა, რომ ჩვენ სასურველ შედეგს მივაღწიეთ. მან შესანიშნავად მოიშორა ხოსე ენრიკე, ასევე მან შესანიშნავად შეცვალა მისი სხეულის მდგომარეობა და კარგი გოლიც გამოუვიდა, საჭირო დროს."
არც მექსიკელის თანაგუნდელებს ჯონი ევანსს და ალექს ბიუტნერს არ დარჩენიათ მისი თამაში უყურადღებოდ.
"ჩიჩარიტომ გაიტანა ფანტასტიური გოლი" განუცხადა ევანსმა MUTV-ს. "მისი მოძრაობა იყო დაუჯერებელი, მან საოცრად მოიშორა მცველი. ჩვენ კარგად ვიცით, როგორია ის. ამის გაკეთებას ის ყველა ვარჯიშზე ახერხებს."
"შენ ყოველთვის უნდა გეშინოდეს მისი, მას მხოლოდ ერთი იარდი სჭირდება გოლის შესაქმნელად. მისი დარტყმა იყო შესანიშნავი. ის ასეთი ტიპის ფეხბურთელია, ალბათ გახსოვთ მისი გოლი "სტოკის" კარში რამდენიმე წლის წინ, რომელიც თავის უკანა ნაწილით გაიტანა. ის ძალიან ბედნიერია, როდესაც გოლს იტანს. მას უბრალოდ უყვარს გოლების გატანა."
ბიუტნერი, რომელმაც ერნანდესის და ევანსის მსგავსად პირველი მატჩი დაიწყო სასტარტო შემადგენლობაში, გაოცებული იყო თავდამსხმელის მხეცისებური ინსტიქტით.
"ჩიჩას მოძრაობები ყოველთვის საოცარია." განაცხადა ჰოლანდიელმა. "ამ შემთხვევაში, მან ერთი ნაბიჯი გააკეთა უკან და შემდეგ შესანიშნავი დარტყმაც განახორციელა. ყველამ იცის, რომ ჩიჩა კარის წინ ძალიან საშიშია. ეს იყო კიდევ ერთი შესანიშნავი შესრულება."