ესპანელი ჟურნალისტი დიეგო ტორესი თავის ახალ წიგნში წერს, რომ ჟოზე მოურინიოს ძალიან უნდოდა "იუნაიტედში" მუშაობა და განიცადა ის ფაქტი, როდესაც სერ ალექს ფერგიუსონმა თავის შემცვლელად დევიდ მოიესი დაასახელა. მას შემდეგ რაც ჟოზე "ჩელსიში" დაბრუნდა ბევრჯერ განაცხადა, რომ "იუნაიტედში" მუშაობა არ სურდა. მაგრამ როგორც ზემოთ ავღნიშნეთ, ტორესი სულ სხვანაირად ფიქრობს.
"მოურინიო თავის აგენტთან ჟორჟე მენდეშთან ერთად თვლიდა, რომ ფერგიუსონი მისი მეგობარი და საერთოდაც ნათლია იყო. პორტუგალიელი თვლიდა, რომ მათ შორის მართლაც არსებობდა მეგობრობა. მისი აზრით იგი უკონკურენტო იყო, რადგან მას 2 ჩემპიონთა ლიგა, 7 საჩემპიონო ტიტული და 4 სხვა თასი ჰქონდა მოპოვებული კარიერის მანძილზე".
"როდესაც მოუმ ფერგიუსონის არჩევანი გაიგო ყვიროდა: "ჯანდაბა, მას ხო საერთოდ არაფერი მოუგია".
ტორესმა ასევე ისიც დაწერა, რომ მოუმ იმ ღამეს თვალი ვერ მოხუჭა და ტელეფონი ყურთან ედო.