დღეს პრეს–კონფერენციაზე დევიდ მოიესმა განაცხადა, რომ რობინ ვან პერსი სავარაუდოდ "ლივერპულის" წინააღმდეგ ვერ ითამაშებს. "იუნაიტედის" ფორვარდმა ტრამვა ვარჯიშზე მიიღო და ამიტომ "სიტისთან" მატჩი გამოტოვა. შეგახსენებთ, რომ "ეშმაკები" "ეტიჰადზე" 4–1 დამარცხდნენ.
მიუხედავად იმისა, რომ რობინ ვან პერსის ტრამვა აქ და არავინ იცის როდის დაბრუნდება, დევიდ მოიესი მაინც ოპტიმისტურად ფიქრობს. შოტლანდიელი იმედოვნებს, რომ პერსი "ვესთ ბრომვიჩთან" მატჩში აუცილებლად მიიღებს მონაწილეობას.
"დიდი ალბათობით რობინი "ლივერპულთან" ვერ ითამაშებს, მაგრამ ვიმედოვნებ იგი პრემიერ ლიგის მატჩში "ვესთ ბრომვიჩის" წინააღმდეგ დაგვეხმარება".
როგორც ცნობილია, დევიდ მოიესი შემადგენლობის როტაციასა და ახალგაზრდების თამაშს აპირებს. "ვფიქრობ შემადგენლობაში გარკვეული ცვლილებებია საჭირო, სწორედ ეს დაგვეხმარება გამარჯვების მოპოვებაში. ამ თასზე შანსი გვაქ ახალგაზრდები ვათამაშოთ. შევეცდები რაც შეიძლება მეტ ნიჭიერ ფეხბურთელს მიეცეს შანსი".