გასული სეზონის მიწურულს სერ ალექს ფერგიუსონმა თავისი წასვლა ამცნო მთელ მსოფლიოს, მაგრამ მას შემდეგ ის ყოველთვის მოდის "ოლდ ტრაფორდზე" და მატჩებს ადევნებს თვალყურს.

წელზე ოპერაციის გამო ფერგიუსონმა დევიდ მოიესის პირველი მატჩი გამოტოვა "ოლდ ტრაფორდზე", მაგრამ შემდეგ დანარჩენ ყველა მატჩს დაესწრო. რეპორტიორებს ფერგიუსონის ჩვენება უფრო უყვართ ტელევიზიაში, ვიდრე დევიდ მოიესის. განსაკუთრებით კი ალექსს "ლევერკუზენთან" მატჩის დროს აჩვენებდნენ ეკრანებზე.

სერ ალექსის სახელი "მანჩესტერ იუნაიტედთან" უკვე 25 წელზე მეტია დაკავშირებული. სტადიონის წინ მისი ძეგლი დგას. მსოფლიოს ნებისმიერ კუთხეში გეტყვიან, თუ რა წარმატება მოუტანა შოტლანდიელმა ინგლისურ კლუბს.

როგორც მოსალოდნელი იყო ფერგიუსონმა კარიერის დასრულების შემდეგ ავტობიოგრაფია წერა დაიწყო. სერ ალექსი დიდი ხანია ამზადებდა ფაქტებს თავისი ცხოვრებიდან და ახალა მისი ბიოგრაფიის პრეზენტაცია ოქტომბერში შედგება. მისი წიგნიდან ბევრი რამ არის მოსალოდნელი, ბევრი ახალი ამბავი, მაგრამ ყველაზე საინტერესო მისი ურთიერთობა და დამოკიდებულებაა გლეიზერების და უეინ რუნის მიმართ.

წიგნის გამოსვლამდე ფერგიუსონი ტურში გაემგზავრება, სადაც ის გულშემატკივრის კითხვებს უპასუხებს. საინტერესოა ისიც, თუ რით დაკავდება შოტლანდიელი წიგნის გამოცემის შემდეგ.

2011 წელს ფერგიუსნმა ბოლომდე გაფანტა ჭორები მისი წასვლის შესახებ:"მამაჩემი პენსიაზე 65 წლის ასაკში გავიდა და ერთი წლის შემდეგ გარდაიცვალა. ცხოვრებაში ყველაზე ცუდის გაკეთება - ჩუსტების ჩაცმა და უსაქმურად ყოფნაა. ხალხი ამბობს:"მე 45 წელი ვიმუშავე და ახლა დასვენების დროა." სულაც არა. უნდა იმუშაო და სულ ფორმაში უნდა იყო."

სერ ალექსი ნელ-ნელა მამის გარდაცვალებას უბრუნდება. მას ნამდვილად აშინებს ის იდეა, რომ კლუბიდან წასვლა სიბერეს, უსაქმურობას და სიკვდილს ნიშნავს.

საბედნიეროდ მას ფეხბურის გარდა, სხვა ინტერესებიც აქვს. მას ძალიან უყვარს ცხენით ჯირითი. ამასთანავე მას სურს, მოგზაურობა და პიანინოზე დაკვრა. The Independent-თან ინტერვიუში ის აცხადებს, რომ ძალიან უყვარს რაიმე ახალის სწავლა:"მე ისტორიულ წიგნებს წავიკითხავ. ვისწავლი ახალ ენებს. სკოლაში ოთხი წელი ვსწავლობდი გერმანულს, რაშიც შოტლანდიური აქცენტი ძალიან მეხმარებოდა. ფრანგულს წლების განმავლობაში ვსწავლობდი. იტალიური ენის სწავლაც შესაძლებელია...რამდენიმე წინადადება უკვე ვიცი ამ ენაზე."

ფერგიუსონი სწავლისგან არასდროს დაიღლება, მაგრამ ახლა მისთვის პირველი მიზანი მის ცოლზე ზრუნვაა.

კარიერის ბოლო მატჩამდე, ალექსმა განაცხადა:"პენსიაზე გასვლა შობის პერიოდში გადავწყვიტე. ყველაფერი შეიცვალა, ჩემი მეუღლის დის გარდაცვალების შემდეგ. მან საუკეთესო მეგობარი დაკარგა."

სწორედ ქეით ფერგიუსონმა გადააფიქრებინა სერ ალექს რამდენიმე წლის წინ პენსიაზე გასვლა. მაგრამ ახლა ისე მოხდა, რომ თვითონ ქეითი გახდა ალექსის წასვლის მიზეზი. ჩვენ კი იმედი გვაქვს, რომ სერ ალექსი ისევ გააგრძელებს ღვინის დაგემოვნებას, გააკეთებს იმას რასაც მოისურვებს. ღმერთი ხედავს ამას, რომ სერ ალექს ფერგიუსონმა ეს დაიმსახურა!