გუშინ ფან-კლუბის შეკრებაზე მოსულებს, როგორც მოგეხსენებათ მატჩის დასაწყისში პაბში მცირე პრობლემები შეგვექმნა: მეორე დარბაზში, სადაც დასხდომას ვაპირებდით, ტელევიზორში თამაშს არ აჩვენებდნენ. მოგვიწია მეორე დარბაზში დასხდომა, სადაც ყველანი ვერ დავეტიეთ. გადავედით მოპირდაპირე ქუჩაზე, ქიაჩელზე მდებარე გერმანულ პაბ „ბრემენში“, სადაც მატჩის ყურება უპრობლემოდ გავაგრძელეთ. მაგრამ ისე გამოვიდა, რომ უკეთესი პაბი ვიპოვეთ, ადმინისტრაციას მოველაპარაკეთ და ამიერიდან ეს იქნება ჩვენი შეკრების მუდმივი ადგილი. სულ 25-ნი ვიყავით, იმედია შემდეგზე მეტი ვიქნებით და პაბიდან გამარჯვებულები გამოვალთ!