"სიტიმ" "იუნაიტედი" ანგარიშით 4-1 სძლია და დაასრულა კიდეც ინგლისის პრემიერ ლიგის მე-5 ტური. უეინ რუნიმ, რომელმაც დღეს მატჩის უკანასკნელი გოლი გაიტანა და საუკეთესო ფეხბურთელადაც დასახელდა თამაშის შემდგომ შემდეგნაირად განაცხადა: "საბოლოო ანგარიშით ყველანი იმედგაცრუებულნი დავრჩით. ინგლისური "დერბი" ეს ისეთი რამაა, რომ ერთ დაშვებულ შეცდომასაც კი არ გაპატიებენ. მოედანზე ვცდილობდი გამეკეთებინა ის, რაც დევიდ მოიესს სურდა. ამით არც არაფერი დაწყებულა და არც დამთავრებულა, წინ კიდევ ბევრი უამრავი ტური გველის, ასე რომ იმედს ვიტოვებთ, მომავალში ყველაფერი ჩვენს სასიკეთოდ წარიმართოს".
მანუელ პელეგრინი: "მიმდინარე სეზონში საუკეთესო შეხვედრა გახლდათ პრემიერ ლიგაში. აბსოლიტურად ვდომინირებდით მოედანზე, ინგლისისა და მსოფლიოს ერთ-ერთი საუკეთესო კლუბის წინააღმდეგ. ნამდვილად კარგად ვითამაშეთ. კმაყოფილი ვარ რეზულტატით და ვამაყობ ჩემი ფეხბურთელებით".
რიო ფერდინანდი: "ნებისმიერი გუნდისთვის ძალიან ძნელია ისეთ გუნდთან გამარჯვება, როგორიც "მანჩესტერ სიტია". ძალიან ბევრი შეცდომა დავუშვით, რაც მოწინააღმდეგემ კარგად გამოიყენა. "სიტიდან" გამოვყოფდი ვინსენტ კომპანის, რომელიც დაცვაში, მართლაც, რომ კედელივით იდგა. აღსანიშნავია უეინ რუნის შესრულებული ულამაზესი ჯარიმა და დასანანია ის ფაქტი, რომ ამ გოლმა მატჩის ბედი ვერ გადაწყვიტა".