20 წლის ჯესი ლინგარდმა შესანიშნავად დაიწყო ერთ თვიანი არენდა "ბირმინგემში", მან "შეფილდ იუნაიტედთან" მატჩში პოკერი გაიფორმა, მატჩი საბოლოოდ 4-1 დამთავრდა.

"ბირმინგემის" მთავარი მწვრთნელის თანაშემწე, ტერი მაკდერმოტი აღფრთოვანებული იყო "მანჩესტერ იუნაიტედის" აღზრდილით.

"ეს იყო დაუჯერებელი!" -ციტირებს მაკდერმოტის სიტყვებს "ლურჯების" ოფიციალური საიტი. "მე ცოტა იმედგაცრუებულიც ვარ, რადგან მეგონა ის 5 გოლის გატანას მოახერხებდა. თუმცა არავინ მოელოდა მსგავს რამეს ახალგაზრდა თავდამსხმელისგან."

"მასში ყველაზე უფრო ის მომწონს, რომ ჯესი ძალიან გაწონასწორებული ფეხბურთელია, ვერაფერი გამოიყვანს მას ბალანსიდან. გასახდელში ის ჩუმად იყო და მოედანზე ისე გავიდა, თითქოს თავის მეგობრებთან ერთად თამაშობდა ეზოში, და არა ჩემპიონშიპის მატჩში."

"ის აქ ერთი თვის განმავლობაში ითამაშებს, მაგრამ ვიმედოვნებთ, რომ მის შენარჩუნებას უფრო დიდი ხნით შევძლებთ. ის არის ფანტასტიური ფეხბურთელი, რომელიც ყოველთვის პროგრესირებს."

მატჩის გმირმა კი განაცხადა: "ეს იყო ძალიან სასიამოვნო. მსგავს რამეზე ვერც კი ვიოცნებებდი. პირველი გოლის შემდეგ თავდაჯერებულობა მომემატა და მინდოდა ისევ გამეტანა. ბედნიერი ვარ, რომ გუნდს დავეხმარე ძალიან მნიშვნელოვანი სამი ქულის მოპოვებაში. სამწუხაროდ, თამაშის დამთავრება ვერ მოვახერხე, რადგან ფეხის ტკივილი ვიგრძენი."

"ვიმედოვნებ, "სუონსისთან" თამაშსაც შევძლებ ("მანჩესტერ იუნაიტედს" ჯერ არ მიუცა "ბირმინგემისთვის", ლინგარდის ლიგის თასზე მონაწილეობის უფლება). თუმცა თუ ეს არ მოხდება, მოუთმენლად დაველოდები შემდეგ მატჩს "რედინგთან".