"იუნაიტედის" ახალწვეულია მარუან ფელაინი მადლობელია პარტნიორების სტუმართმოყვარეობით და აღიარა, რომ ვერავინ იტყვის უარს ასეთ კოლექტივში მოხვედრაზე.
"აქ ყველაფერი ისე არაა როგორც 'ევერტონში" - ციტირებს ფელაინის სიტყვებს The Daily Mail. "აქ ყველაფერი ისეა მოწყობილი, რომ ახალ მოსულს დაეხმაროს პროგრესირებაში და გახადოს უკეთესი. მე უმარლესი დონის ფეხბურთელებით ვარ გარემოცული. მათ დამანახეს თუ რას მოითხოვენ ჩემგან, ვფიქრობ ასე უკეთესად შევეწყობი გუნდს."
"ისინი სიამოვნებით ატარებენ დროს ჩემთან ერთად, მაძლევენ რჩევებს და მზად არიან უპასუხონ ჩემს ნებისმიერ შეკითხვას. გუნდის ვეტერანები ძალიან მეგობრულები არიან, ისევე როგორც სხვა ფეხბურთელები. ყველა მზადაა დასახმარებლად და ამას ძალიან ვაფასებ. ასეთი დამოკიდებულების დამსახურებით თავს ისე ვგრძნობ როგორც სახლში."
"თუ რონალდომ უარი თქვა ასეთ გუნდში გადასვლაზე, ეს მისთვის უარესია. პირადად მე თავს ძალიან კარგად ვგრძნობ ახალ გუნდში და როცა ვხედავ, რომ გულშემატკივრებს ახურავთ პარიკები ჩემი ვარცხნილობით, თავს უკეთესად ვგრძნობ. ძალიან სასაცილოა ტრიბუნებზე ამის ხილვა, თუმცა ძალიან სასიამოვნო. მზად ვარ ასეთი ხალხის გამო მთლიანად დავიხარჯო და სწორედ ამას ვაპირებ."