ანტონიო ვალენსიამ ექსკლუზიური ინტერვიუ მისცა MUTV-ს და განმარტა თუ რატომ დაიბრუნა მან 25 ნომერი,რომლითაც ის თავდაპირველად თამაშობდა კლუბში.

ეკვადორელი შემტევი ნახევარმცველი ერთ-ერთი საუკეთესო გახლდათ ლევერკუზენთან მატჩში უეინ რუნისთან ერთად.ვალენსიამ გოლის გატანაც მოახერხა.მანჩესტერული დერბის წინ ვალენსიამ MUTV-სთან ინტერვიუ ჩაწერა.მან ისაუბრა იმაზე თუ როგორი მოტივირებული ხარ შენ,როდესაც იუნაიტედში ატარებ 7 ნომერს.როგორც სერ ალექსი ასევე დევიდ მოიესი ძალიან დიდ ყურადღებას უთმობენ ამ ნომერს.

„ვფიქრობ 25 ძალიან კარგი რიცხვია ჩემთვის,როდესაც მე კლუბში მოვედი სწორედ ამ ნომრიანი მაისური ავიღე“-განაცხადა მან

„ვფიქრობ,რომ 25 ნომრიანი მაისურით თავს უფრო კონფორტულად ვგრძნობ.ამ ზაფხულს კი გადავწყვიტე,რომ უკან დამებრუნებინა ჩემი ნომერი.ჩემს თავს დავუსვი კითხვა თუ რატომ არ შეიძლებოდა ძველი ნომრის დაბრუნება? ეს კარგი იდეა იყო და გადავწყვიტე კვლავ 25 ნომრით მეასპარეზა იუნაიტედში“

„მე ვცდილობ ჩემი ძველებური ფორმა აღვიდგინო და ამისათვის ყველაფერს ვაკეთებ. 7 ნომერი კი ერთობლ დიდ პასუხისმგებლობასა და ფსიქოლოგიურ მომენტს მოითხოვს.ყველამ იცით თუ რას წარმოადგენს ეს მაისური იუნაიტედში.ვფიქრობ ძველებურად ავთამაშდები ისევ“

სერ ალექსმა სამშაბათს MUTV-ს განუცხადა:“ანტონიო თავის ფორმას უბრუნდება.მან ძველი ნომერი დაიბრუნა.საოცარია,როგორ შეუძლია მაისურს გავლენა იქონიოს ფეხბურთელზე“
„შესაძლოა ეს მისი საუკეთესო გადაწყვეტილებაა.მან მოითხოვა დაებრუნებინა 25 ნომრიანი მაისური და ეს საოცარია“

სამშაბათს გატანილი გოლი კი ვალენსიამ ისევ თავის მეგობარს ეკვადორელ ფეხბურთელ ქრისტიან „ჩუჩო“ ბენიტესს მიუძღვნა,რომელიც 27 წლის ასაკში გარდაიცვალა.

„ეს ძალიან მძიმე მომენტი იყო ჩემს ცხოვრებაში“

„ის ჩემი მეგობარი იყო და როგორც ძმა ისე იყო ჩემთვის.მე გადავწყვიტე მის საპატივცემულოდ ტატუ გამეკეთებინა.პირველი გოლიც სწორედ მას მივუძღვენი და ასე იქნება სულ,როდესაც მე გოლს გავიტან.ეს არამხოლოდ ჩემთვის არამედ მთელი ეკვადორისთვის შოკი იყო.“-დაასრულა ვალენსიამ