თავდამსხმელმა სეზონის პირველი გოლი "კრისტალ პალასთან" გაიტანა და მატჩის საუკეთესო ფეხბურთელიც გახდა, ასევე მან თავი გამოიჩინა ორი გოლით "ბაიერ ლევერკუზენთან" და გაიტანა მეორასე გოლი წითელი მაისურით.

ბევრი ადამიანი მოიესის მადლიერია, იმის გამო, რომ მისი ხელმძღვანელობით უეინ რუნიმ შესანიშნავი ფორმა აკრიფა, თუმცა მოესმა განაცხადა, რომ ეს მადლობა მხოლოდ ფეხბურთელს ეკუთვნის.

"ერთი წუთითაც არ გაიფიქროთ, რომ ეს ჩემი დამსახურებაა. ეს ყველაფერი რუნიმ შეძლო. ჩვენ მხოლო ვეხმარებით მას, რომ გახდეს უკეთესი და მხოლოდ რუნიზეა დამოკიდებული შეძლებს თუ არა ამას." განაცხადა მოიესმა. "ის ყოველთვის შესანიშნავი ფეხბურთელი იყო, მაშინაც კი როცა ის "ევერტონს" ტოვებდა ჰქონდა პოტენციალი. მას ყველაფრის გაკეთება შეეძლო და ის უამრავი წელია ამას ამტკიცებს."

"ყველამ იცის თუ რისი გაკეთება შეძლო რუნიმ "ევერტონის" დატოვების შემდეგ. მე მხოლოდ სამი თვეა რაც აქ მასთან ერთად ვმუშაობ, მაგრამ მე უკვე ვნახე თუ როგორ თავდაუზოგავად ვარჯიშობს ის. ყველაფერი რაც მან გააკეთა მისი დამსახურებაა. მან თავისი თავი უკეთესი გახადა."

"ძალიან მნიშვნელოვანია ის, რომ რუნი შესანიშნავ ფიზიკურ ფორმაშია. მას არ აქვს ზედმეტი წონა. ის ისევ ისეთივე აგრესიულია, როგორიც ადრე იყო. ისეთივე სწრაფი და მოწყურებული. მას ყველა ის თვისება აქვს, რაც მას დაეხმარება, რომ მაღალ დონეზე ითამაშოს."