ინგლისელმა ნახევარმცველმა მაიკლ კერიკმა განაცხადა, რომ "იუნაიტედს" ძლიერი შეტევა ყავს და ეს "ბაიერთან" მატჩშიც კარგად გამოჩნდა.
"უეინ რუნიმ ჩემპიონთა ლიგის თამაშში შესანიშნავი გოლი გაიტანა, იგი ძალიან მომეწონა და გამოვარჩევდი იმ გატანილი ბურთებიდან რომელიც ბოლო პერიოდში ვნახე. ძალიან კარგია, რომ რუნი ასეთ კარგად თამაშობს. როდესაც უეინი ფორმაშია ავტომატურად ხდება მსოფლიოს საუკეთესო ფეხბურთელი".
"მოხარული ვარ იმ ფაქტით, რომ ასეთი კარგი შეტევა გვაქვს. ანტონიომ, რობინმა და უეინმა ბრწყინვალედ ითამაშეს "ბაიერის" წინააღმდეგ. თუ "იუნაიტედს" თამაში არ მისდის, ზემოთ ხსენებული ფეხბურთელები სიტუაციას ყოველთვის ცვლიან".
"ვერ ვიტყვი, რომ სეზონი ცუდად დავიწყეთ. "სუონსის" წინააღმდეგ ბრწყინვალედ ვითამაშეთ, თუმცა ვერ მოვუგეთ "ჩელსსა" და "ლივერპულს". მაგრამ უნდა გავითვალისწინოთ ის ფაქტი, რომ მათთან თამაში ძალიან რთულია. ამის შემდეგ ლიგაზე კარგად ვითამაშეთ და იმედი მაქვს ამ სერიას დიდხანს გავაგრძელებთ"._განაცხადა კერიკმა.