ტომ ქლევერლის არადამაჯერებელმა თამაშმა, ''მანჩესტერ იუნაიტედს'' აიძულა ნახევარმცველზე თანხის გამოყოფა. ტომ ქლევერლის ადგილი მარუან ფელაინმა დაიკავა, რომელიც გამოირჩევა თავისი ფიზიკური მონაცემებით. ცხადია, რომ ბელგიელი სასტარტო შემადგენლობისთვისაა შეძენილი, ინგლისელს ბელგიელისთვის კონკურენციის გაწევა გაუჭირდება.
ტომ ქლევერლის ისღა დარჩენია მაქსიმალურად გამოიყენოს თავისი შანსი. WhoScored ტომ ქლევერლის ბოლო სამ შეხვედრაში 6.73 ქულით აფასებს, ფელაინს - 7.72 ტით. კერიკისგან განსხვავებით ქლევერს გრძელი გადაცემების გაკეთება უჭირს. შესაძლოა, ეს კატასტროფა არ იყოს თუმცა, თუმცა მას ელემენტარულ სიტუაციაში შეუძლია ბურთის დაკარგვა. ცხადია, რომ ქლევერლის გამოცდილება აკლია.
რა იქნება მომავალში?.. რას უნდა ველოდოთ?.. იქნებ დაცვაში გამოცადოს თავისი თავი?..
ნაკლებად მოსალოდნელია მისგან ასეთი ფუნდამენტური ცვლილება. ნახევარმცველისგან განსცვავებით, არაა აუცილებელი, რომ მარჯვენა ნახევარმცველი მაღალი იყოს, ხოლო რაც სისწრაფეს შეეხება, ტომს არ გაუჭირდება. რა თქმა უნდა, ძალიან მცირეა ასეთი ცვლილების ალბათობა, თუმცა ეს ვარიანტიც არ უნდა გამოირიცხოს.
ბევრი გულშემატკივარი იტყვის, რომ შინჯი კაგავა ქლევერლიზე უკეთესია, თუმცა შარშანდელი თამაშების მიხედვით, დევიდ მოიესი იაპონელზე დიდად არ არის კმაყოფილი. ეს იმას ნიშნავს, რომ ქლევერლის სასტარტო შემადგენლობაში ადგილის დამკვიდრებისთვის შანსები კვლავ აქვს...