მანჩესტერ იუნაიტედი შეიძლება საფრთხეში აღმოჩნდეს და დაკარგოს ბელგიელი ახალგაზრდა ფეხბურთელი ადნან იანუზაი,რომელსაც 6 თვეში უმთავრდება კონტრაქტი მანჩსტერ იუნაიტედთან.

Daily Mail-ის ჟურნალისტმა ჯონ ედვარდსმა დღეს გამოაქვეყნა სტატია,სადაც საუბარი იყო იმაზე,რომ მანჩესტერ იუნაიტედის თანაქალაქელ მეტოქე სიტის სურს,რომ გადაიბიროს იანუზაი.აი რას წერს ედვარდსი თავის სტატიაში:

„მანჩესტერ სიტი მზადაა,რომ შეიძინოს ბელგიელი ნახევარმცველი ადნან იანუზაი მანჩსტერ იუნაიტედიდან.ისინი ყველაფერს ეცდებიან,რათა იუნაიტედმა ამ ფეხბურთელთან ახალი კონტრაქტი არ გააფორმოს.“

ედვარდსის სიახლესთან დაკავშირებით ასევე თავის მხრივ the Mirror-ის ჟურნალისტმა ალან ნიქსონმა თავისი სტატია გამოაქვეყნა,სადაც მან განაცხადა,რომ თუ იუნაიტედმა ფეხბურთელი დაიყოლია,მაშინ მას შეუძლია უარით გაისტუმროს ნებისმიერი კლუბი,რომელსაც იანუზაი მოუნდება.

თავის მხრივ თვითონ ფეხბურთელს ყველაფერი აქვს იუნაიტედში,რაც კი მას შეიძლება ჰქონდეს.მეტიც ახალმა მთავარმა მწვრთნელმა დევიდ მოიესმა ის პირველ გუნდში გადმოიყვანა და სათამაშო დროსაც ასე თუ ისე აძლევს.ტურნეზე იანუზაიმ თითქმის ყველა შეხვედრა ჩაატარა.შემდეგ იყო შეხვედრა უიგანთან,ქომუნითი შილდზე,სადაც იანუზაიმ მონაწილეობა მიიღო.ბოლო ტურშიც პრემიერ ლიგაში დებიუტი ჰქონდა.დევიდ მოიესმა ეშლი იანგის ნაცვლად მოედანზე,სწორედ ბელგიელი შეიყვანა და ამ უკანასკნელმაც 23 წუთი დაჰყო მინდორზე.
18 წლის ფეხბურთელმა კი საოცრად მაღალი უნარები და კარგი თამაშით დაგვამახსოვრა თავი თავის პირველ პრემიერ ლიგურ შეხვედრაში.



The Express-ის ჟურნალისტმა ჯეიმს დიკინსონმა კი კრისტალ პალასთან გამართულ შეხვედრაში იანუზაისადმი საქებარი სიტყვები არ დაიშურა.მართლაც,რომ ბელგიელი ახალგაზრდა ძალიან კარგად ჩაერთო თამაშში.ძალიან კარგად უტევდა და ცდილობდა მოეტყუებინა მეტოქე ამა თუ იმ მომენტში,რაც გამოსდიოდა კიდეც.ასე და ამგვარად იანუზაი პირველ გუნდში სათამაშო დროს ჯერ-ჯერობით არ უჩივის.
და ბოლოს,თუ იანუზაის დაყოლიება იუნაიტედის ხელმძღვანელობამ ვერ მოახერხა და ის მაინც დატოვებს კლუბს,მაშინ დევიდ მოიესს მომდევნო ზაფხულში მოუწევს სერიოზული ტრანსფერების გაკეთება.


და მაინც რატომ უნდა დატოვოს იანუზაიმ კლუბი? ვფიქრობ,რომ დევიდ მოიესი ასეთ ფეხბურთელს ხელიდან არ გაუსვებს.შეუძლებელია ასეთ ფეხბურთელში ტალანტის არ დანახვა.ყველაფერი აქვს იმისთვის,რომ იუნაიტედის მომავალი ლეგენდა და შეუცვლელი ფიგურა გახდეს.კლუბი კი ყოველთვის შეუწყობს მას ხელს.იუნაიტედი ხომ სწორედ ამითაა ცნობილი.ის ხომ ყველას აძლევს შანს თავის წარმოჩენისა და ვფიქრობ,რომ არც იანუზაი იქნება გამონაკლისი.მით უფრო,რომ ის უკვე პირველ კლუბშია და მოიესიც აძლევს შანს.მოკლედ ეს ყველაფერი დროის ამბავია და დარწმუნებული ვარ,რომ იანუზაი აუცილებლად გააფორმებს დიდ ვადიან კონტრაქტს იუნაიტედთან.


წყარო:Bleacherreport.com