ფაბიომ, რომელიც არენდის სახით განათხოვრებული იყო "ქუინს პარკ რეინჯერსში" გასულ კვირას "იუნაიტედის" მაისურით პირველი მატჩი ჩაატარა. მოგეხსენებათ რომ მან ერთი წელი გაატარა "ქპრ"-ს შემადგენლობაში და 2011 წლის ნოემბრის შემდეგ ისევ წითელი ფორმა მოირგო.
ახალგაზრდა ბრაზილიელი იმედოვნებს რომ იგი უფრო ხშირად მოხვდება ძირითად შემადგენლობაში, იბრძოლებს ადგილის დასამკვიდრებლად და არც საკუთარი ძმისთვის კონკურენციის გაწევას ერიდება.
"მე და ჩემს ძმას დიდი ბრძოლა გველის მარჯვენა მცელის პოზიციაზე ადგილის დასამკვიდრებლად." განაცხადა ფაბიომ SkySport-თან ინტერვიუში.
"რატომაც არა ?! ჩვენ ყოველთვის ყველაფერზე "ვჩხუბობთ". იქნება ეს PlayStation თუ სხვა რამ. ჩვენ უკვე 23 წლისები ვართ და მზად ვართ ყველანაირი გამოწვევისთვის"
"არ აქვს მნიშვნელობა მე ვიქნები შემადგენლობაში თუ რაფაელი, მაგრამ "იუნაიტედის" მაისურით ასპარეზობა ეს დიდი რამაა და ჩვენ ორივეს გვსურს ვითამაშოთ და მივიღოთ სიამოვნება ფეხბურთისაგან." - დაასრულა მან.