დევიდ მოიესმა ახსნა თუ რატომ არ მოხვდა შინჯი კაგავა განაცხადში "კრისტალ პალასის" წინააღმდეგ, ამის მიზეზად მან ფეხბურთელის ავადმყოფობა დაასახელა.
იაპონელ ნახევარმცველს ჯერ არ უთამაშია 2013/2014 წლის "პრემიერ ლიგის" სეზონში და ის ვერ მოხვდა გუნდის განაცხადში "არწივების" წინააღმდეგ, რომელიც "ოლდ ტრაფორდზე" გაიმართა და მასპინძლების გამარჯვებით, 2-0 დასრულდა.
თამაშის შემდეგ მოიესმა ჟურნალისტებს განუცხადა, რომ ნახევარმცველი ჯერ კიდევ გამოჯანმრთელების პროცესშია.
"შინჯი ჯერ კიდევ არაა მზად, ის ხშირად მოგზაურობდა ჩვენსა და იაპონიას შორის" -განაცხადა მოიესმა.
"დღეს მან ვერ ითამაშა გრიპის გამო, როგორც ჩანს მგზავრობამ ის ძალიან გადაღალა. მან გუშინ ივარჯიშა და თავს კარგად ვერ გრძნობდა. ჩვენ იმედი გვქონდა რომ გამოძინება მას უშველიდა, მაგრამ ეს ასე არ მოხდა და გარისკვის საჭიროებას ვერ ვხედავდით."
"ჩვენ გვსურს, რომ ის ფორმაში ჩადგეს, მაგრამ ჯერ ამის შანსი არ მოგვეცა, რადგან სანაკრებო თამაშებმა ის ძალიან გადაღალა და მისი თამაშის ნახვა ჯერჯერობით ვერ შევძელით."