მარუან ფელაინიმ აღიარა, რომ ძალიან ნერვიულობდა, რადგან შესაძლოა "იუნაიტედში" გადასლვა ვერ მოესწრო. "სიმართლე გითხრათ, ხანდახან მეგონა, რომ "იუნაიტედში" ვერასდროს გადავიდოდი. თუმცა როცა გავიგე, რომ ჩემი კლუბი ბოლოს და ბოლოს დათანხმდა შემოთავაზებას ძალიან გამიხარდა. მე პირადად ვესაუბრე რობერტო მარტინესს, რადგანაც ძალიან მინდოდა პლანეტის საუკეთესო გუნდში თამაში. ჩემი მიზანი ტიტულების მოგებაა. ვიცი, რომ "იუნაიტედთან" ერთად ამ მიზნის მიღწევა შესაძლებელია. ძალიან მიხარია, რომ ფორმალობები დამთავრდა. მიხარია, რომ "იუნაიტედს" შევუერთდი. ჩემი სატრანსფერო თანხა არანაირ ზეწოლას არ ახდენს ჩემზე. მოედანზე გაჩვენებთ რაც შემიძლია. შესაძლებელია, ზოგ ადამიანს არ მოვწონდე როგორც პიროვნება და ფეხბურთელი, თუმცა ჩემთვის სულ ერთია. მწვრთნელმა იცის ჩემი შესაძლებლობები, გუნდმაც კარგად მიმიღო. დანარჩენი სხვა კი არ მაინტერესებს. ძალიან ბევრი უნდა ვიმუშაო, რომ ძირითადში ადგილი დავიმკვიდრო. "იუნაიტედში" ბევრი კარგი ფეხბურთელია, ამიტომ ამის გაკეთება იოლი არ იქნება. თუმცა მე მაქვს ბრწყინვალე შანსი წარმატებას მივაღწიო აქ. პრემიერ-ლიგაში დიდი ხანია ვთამაშობ და მის შესახებ ყველაფერი ვიცი. "ევერტონი" ჩემს გულში დარჩება. ამ კლუბთან მაკავშირებს კარიერის საუკეთესო მომენტები. დადგა დრო როცა მე უნდა წავსულიყავი. "ევერტონი" ბრწყინვალე გუნდია, თუმცა "იუნაიტედისგან" განსხვავებით ის ჩემპიონობისათვის არ ბრძოლობს." - განაცხადა ბელგიელმა ნახევარმცველმა.