ინგლისის ნაკრების 21 წლამდელთა მწვრთნელი გარეტ საუტგეიტი დარწმუნებულია, რომ უილფრედ ზაჰას შეუძლია როგორც საკუთარ კლუბს, ასევე ეროვნულ ნაკრებს წარმატება მოუტანოს.
"ვფიქრობ, ჩემი ერთ-ერთი ძლიერი თვისება ახალგაზრდა ფეხბურთელებთან მუშაობაა. მე ამას "მიდლსბროშიც" ვაკეთებდი. ახლა ჩემთვის ერთ-ერთი მთავარი მიზანი უილფრედ ზაჰას დახმარებაა. ძალიან მსურს მან "იუნაიტედის" სასტარტო შემადგენლობაში დაიმკვიდროს ადგილი." - აცხადებს საუტგეიტი manchestereveningnews.co.uk-თან.
"ბევრი ახალგაზრდა ფეხბურთელისთვის, სასტარტო შემადგენლობაში მოხვედრა ძალიან რთულია. ამას დიდი დრო სჭირდება. ისინი ყველა ნაბიჯს გადიან კლუბის აკადემიაში, ხოლო შემდეგ მათ შანსი ეძლევათ მაღალ დონეზე თამაშის. ზაჰასთვის ეს გზა მოკლე გამოდგა. მან შესანიშნავი სეზონი ჩაატარა "კრისტალ პალასში" და გადავიდა "იუნაიტედში". ამის შემდეგ მას რეგულარულად იძახებენ ნაკრებში."
"იმედი მაქვს, ჩემი მუშაობა ფუჭად არ ჩაივლის. მას უდიდესი პოტენციალი აქვს და ეს როგორც "იუნაიტედს" ასევე ინგლისსაც ძალიან დაეხმარება."