"ლონდონის ჩელსის" მთავარი მწვრთნელის ყოფილი თანაშემწე, რეი უილკინსი შიშობს, რომ "მანჩესტერ იუნაიტედი" ვერ გაუწევს დიდ კონკურენციას ინგლისის გრანდებს და გაუჭირდება პრემიერ ლიგის ტიტულის შენარჩუნება.
ამ ზაფხულს "იუნაიტედში" ბევრი ცვლილება მოხდა: შეიცვალა მთავარი მწვრთნელი, მოვიდა ახალი აღმასრულებელი დირექტორი. გარდა ამისა "იუნაიტედმა" ამ ზაფხულის სატრანსფერო ფანჯარაზე მხოლოდ მარუან ფელაინის შეძენა მოახერხა.
უილკინსის თქმით, რომელსაც ნათამაშები აქვს "იუნაიტედის" მაისურით ფიქრობს, რომ ყველა ეს ცვლილება "მანჩესტერ იუნაიტედს" ტიტულის შენარჩუნების შანსს უმცირებს.
"დევიდ მოიესი მართალია შესანიშნავად მუშაობს, მაგრამ ვშიშობ, რომ იუნაიტედს ამ სეზონში ძალიან გაუჭირდება. მარუან ფელაინი ძალიან კარგი შენაძენია, მაგრამ ვფიქრობ "იუნაიტედს" კიდევ რამოდენიმე მაღალი დონის ფეხბურთელი სჭირდებოდა. თანაც ჩემპიონთა ლიგის თითოეული გუნდი ძალაინ გაძლიერდა, იუნაიტედიც გაძლიერდა, მაგრამ არა ისე როგორც საჭირო იყო". - ციტირებს უილკინსის სიტყვებს talkSPORT.