„მანჩესტერ იუნაიტედის“ მცველი ფილ ჯონსი მოხარულია უეინ რუნის კლუბში დარჩენით. ფილმა კლუბში მის მნიშვნელობაზე ისაუბრა და აღნიშნა, რომ უეინი მომავალშიც „იუნაიტედის“ ერთ-ერთი გამორჩეული მოთამაშე იქნება.
„ვფიქრობ მან „ჩელსისთან“ ჩინებული მატჩი ჩაატარა. ის მოედანზე ნამდვილი ლიდერი იყო.
უეინი „იუნაიტედისთვის“ უმნიშვნელოვანესი ფეხბურთელია და ყოველთვის ასე იქნება. რუნი ერთ-ერთი უნიჭიერესი მოთამაშეა. მოხარული ვარ, რომ ის კლუბში დარჩა.“ - ციტირებს ჯონსის სიტყვებს Daily Star.
შეგახსენებთ, რომ ორ თვიანი მითქმა-მოთქმის შემდეგ უეინმა კლუბში დარჩენა გადაწყვიტა, "იუნაიტედი" კი ზამთარში მას ახალ, გრძელვადიან კონტრაქტს შესთავაზებს.

წყარო: Daily Star