ლონდონის „არსენალმა“ „მანჩესტერ იუნაიტედის“ ლეგენდის, დევიდ ბექჰემის ვაჟი აკადემიაში მიიღო. 10 წლის რომეო ბექჰემი „მეთოფეების“ ახალგაზრდულ აკადემიას შეუერთდა და აღიარებს, რომ სურს ერთ დღეს „არსენალის“ პირველი გუნდის მოთამაშეც გახდეს. რომეომ Instagram-ის გვერდზე დაწერა: „ერთ დღესაც „არსენალში“ ვითამაშებ!“ პატარა ბექჰემი მამასთან ერთად ლონდონურ დერბის დაესწრო, რომელშიც „მეთოფეებმა“ „ტოტენჰემი“ ანგარიშით 1-0 დაამარცხეს. არსენ ვენგერმა მას საჩუქრად მაისური გადასცა.