The Telegraph-ის ცნობით, „მანჩესტერ იუნაიტედს“ სურს უეინ რუნი შეინარჩუნოს და მას ახალ, გრძელვადიან კონტრაქტს შესთავაზებენ.
მიმდინარე ხელშეკრულებას ვადა 2015 წლის ივნისში ეწურება. „იუნაიტედი“ აპირებს ახალი კონტრაქტით საბოლოოდ შეწყვიტოს „ჩელსის“ ინტერესი უეინის მიმართ.
კლუბს რა თქმა უნდა არ სურს, რომ რუნიმ მომავალ სეზონში მიმდინარე კონტრაქტით ითამაშოს, ასეთ შემთხვევაში მისი სატრანსფერო ღირებულება დაიკლებს და „ჩელსიც“ სატრანსფერო შეთავაზებებს გააგრძელებს. იქნება იმის ალბათობაც, რომ კლუბს რუნის თავისუფალი აგენტის სტატუსით გაშვებაც მოუწიოს.
„იუნაიტედი“ ინგლისელ ფორვარდთან მოლაპარაკებებს დიდი ალბათობით ახალი წლის დღეებში, ზამთრის სატრანსფერო ფანჯარაზე დაიწყებს და ფეხბურთელს მისი ასაკის შესაფერის პირობებს შესთავაზებენ.

წყარო: The Telegraph