ედ ვუდვარდი წარუმატებელი ზაფხულის სატრანსფერო პერიოდის შემდეგ კლუბის ერთ-ერთ სპონსორთან კონტრაქტის გაუმჯობესებას გეგმავს. Daily Mail-ის ცნობით, ექვს თვიანი მოლაპარაკებების შედეგად „მანჩესტერ იუნაიტედმა“ „ნაიკთან“ ახალი, ბევრად უფრო გაუმჯობესებული კონტრაქტი შეათანხმა, რომლის თანახმადაც „იუნაიტედი“ ამ სპონსორისგან საერთო ჯამში 1 მილიარდ ფუნტს მიიღებს. „მანჩესტერმა“ „ნაიკის“ კომპანიასთან თანამშრომლობა 2002 წელს 13 წლიანი კონტრაქტით დაიწყო, რომელიც ამ ხნის განმავლობაში 303 მილიონ ფუნტიან დაფინანსებას ითვალისწინებდა. ახალი კონტრაქტი კი ასევე 13 წლიან თანამშრომლობას გულისხმობს. ინგლისური გამოცემის ცნობით, მოლაპარაკებები გასული თვის ბოლოში დასრულდა და ახლა ყველაფერი „ნაიკის“ გადაწყვეტილებაზეა დამოკიდებული.