"მანჩესტერ იუნაიტედის" ლეგენდა პადი კრერანდი დარწმუნებულია, რომ ფელაინი "ოლდ ტრაფორდზე" დიდ წარმატებებს მიაღწევს.
"მე ძალიან გახარებული ვარ იმ ფაქტით, რომ "იუნაიტედმა" მარუან ფელაინი გაიფორმა. ალბათ ჩემს გარდა "იუნაიტედის" სხვა გულშემატკივარსაც ასეთი გრძნობა აქვს. კლუბს არ ჰყავდა საჭირო დონის საყრდენი ნახევარმცველი, მაგალითად იაია ტურეს მსგავსი, რომელიც "მანჩესტერ სიტის" ფეხბურთელია. ახლა კი ჩვენ გვყავს ისეთი ფიგურა, რომელსაც შეუძლია ეს პოზიცია დაიკავოს. " - ციტირებს პადი კრერანდის სიტყვებს manutd.com.
"წარსულში ჩვენ გვყავდა ნახევარდაცვაში მნივნელოვანი ფეხბურთელები ბრაიან რობსინი და როი კინი, ვფიქრობ მარუანს შეუძლია მათ გაუტოლდეს. ასევე, იგი არის ძალიან გამოსადექი მოთამაშე სტანდარტული მდგომარეობისას. არ უნდა დაგვავიწყდეს, რომ მის ფიზიკურ შესაძლებლობებთან ერთად ის ასევე ძალიან მაღალი ფეხბურთელიცაა".
"რა თქმა უნდა "იუნაიტედის" გულშემატკივარი იმაზე ოცნებობდა, რომ თავის საყვარელ კლუბში გარეტ ბეილი ან კრისტიანო რონალდო ეხილათ. ეს ძალიან კარგი იქნებოდა, მაგრამ კლუბს ძალიან ბევრი ფული დასჭირდებოდა. მარუანი "იუნაიტედში" თამაშზე ოცნებობს, ეს კი კიდევ უფრო კარგია".