"მანჩესტერ იუნაიტედის" თავდამსხმელი დენი ველბეკი იმედგაცრუებულია იმ ფაქტით, რომ მოლდოვის ნაკრებთან ბოლო წუთებზე მიღებული ყვითელი ბარათის გამო, გამოტოვებს უკრაინასთან გასამართ შეხვედრას.
"მე იმედგაცრუებული ვარ, რომ მომიწევს უკრაინასთან გასამართი შეხვედრის გამოტოვება. ხანდახან ძნელია გაიგო არბიტრის სასტვენის ხმა. იმ ეპიზოდში, მე დარწმუნებული ვიყავი, რომ თამაში გრძელდებოდა და მეტოქის კარში ბურთი ამიტომაც დავარტყი. იმედგაცრუებული დავრჩი, მაგრამ მთავარი ისაა, რომ ჩვენ 3 ქულის მოპოვება შევძელით" - ციტირებს დენი ველბეკის სიტყვებს skysports.com.