"მანჩესტერ იუნაიტედის" ახალმა აღმასრულებელმა დირექტორმა თავი დაიდანაშაულა კლუბის ცუდი სატრანსფერო სეზონის გამო.
"წითემა ეშმაკუნებმა" ამ ცხელ ზაფხულში კლუბის გაძლიერება მხოლოდ მარუან ფელაინით მოახერხეს, რომელიც "ევერტონიდან" 27.5 მილიონ ფუნტად იყიდეს.
ვერც ფლეიმეიქერის და ვერც მარცხენა მცველის ყიდვა ვერ მოახერხა დევიდ მოიესმა. როგორც გამოცემა Daily Mirror გვატყობინებს - ედ ვუდვორდმა თავი დაიდანაშაულა, რომ ვერ შეძლო ბევრი ტრანსფერის გაკეთება. შეგახსენებთ, რომ ედმა წელს დევიდ გილი შეცვალა და გახდა "იუნაიტედის" ახალი აღმასრულებელი დირექტორი.
მაგრამ ვუდვორდი თვლის, რომ ის შექების ღირსიც არის, რადგან მან კლუბს შეუნარჩუნა უეინ რუნი, რომელიც უკვე მზად იყო პრემიერ-ლიგის კონკურენტ კლუბში გადასასვლელად.