ნანიმ "იუნაიტედთან" 5 წლიან კონტრაქტს მოაწერა ხელი და ის გუნდში 2018 წლამდე დარჩება.
პორტუგალიელი ვინგერი "იუნაიტედმა" 2007 წლის მაისში შეიძინა და მას შემდეგ 6 სეზონში მან მოახერხა 4 პრემიერ ლიგის, 2 ლიგის თასის, ფიფას საკლუბო მსოფლიო ჩემპიონატი და უეფას ჩემპიონთა ლიგის მოგება.
დევიდ მოესმა განაცხადა: "მე ნასიამოვნები ვარ იმ ფაქტით, რომ ნანიმ ახალ კონტრაქტს მოაწერა ხელი. მას აქვს დიდი შესაძლებლობა და გამოცდილება, მიუხედავად იმისა, რომ მხოლოდ 26 წლისაა. მან ჩემზე შთაბეჭდილება მოახდინა ვარჯიშის დროს და სიამოვნებით ვიმუშავებ მასთან მომავალ სეზონებშიც."
"იუნაიტედში თამაში ჩემთვის ფანტასტიური გამოცდილებაა. როცა კლუბში მოვედი, ვერასოდეს წარმოვიდგენდი, რომ ამხელა წარმატებებს მივაღწევდით. ყოველ დღე ვარჯიში ისეთ ფეხბურთელებთან, რომლებიც სულ ტიტულების მოგებაზე ფიქრობენ, დიდი მოტივაციაა ჩემთვის. ძალიან ბედნიერი ვარ, რომ ახალმა მწვრთნელმა ნდობა გამომიცხადა და მზად ვარ დავეხმარო გუნდს ტიტულების მოგებაში." - განაცხადა ნანიმ