ინგლისელმა ნახევარმცველმა ტეო უოლკოტმა აღიარა, რომ ის შოკირებულია იმ ტრავმით, რომელიც ცოტა ხნის წინ უეინ რუნიმ მიიღო.
"ლივერპულთან" შეხვედრის შემდეგ "იუნაიტედის" მთავარმა მწვრთნელმა დევიდ მოიესმა ისაუბრა იმ მიზეზზე, რის გამოც უეინ რუნიმ ის შეხვედრა გამოტოვა: "ვარჯიშისას უეინმა შუბლი დაიზიანა. ეს მოხდა სრულიად შემთხვევით. ვარჯიშისას ფილ ჯონსმა სრულიად შემთხვევით ბუცის შიპი მოარტყა შუბლში. ეს დაზიანება საკმაოდ სერიოზულია, რის გამოც ის ვერ შეძლებს ინგლისის ნაკრებს დაეხმაროს. ვფიქრობ, რომ რუნის ამ ტრავმის მოშუშებას 3 კვირა დასჭირდება".
ტეო უოლკოტმა განაცხადა: "მე ვნახე უეინის ტრავმა სურათზე. ეს ძალიან სამწუხაროა, რადგან მისი ტრავმა საკმაოდ ღრმაა. მისი დაზიანება საშინელებათა ფილმის სურათს გავს. სამწუხაროა ასევე ის ფაქტიც, რომ უეინი ინგლისის ნაკრებს ვერ დაეხმარება. მაგრამ ნაკრების სხვა თავდამსხმელი შეცვლის უეინს და მას თავის გამოჩენის საშვალება მიეცემა".