დღეს სატრანსფერო ფანჯრის უკანასკნელი დღეა და დიდი ტრანსფერების მოლოდინში მყოფი გულშემატკივარი თვალს ადევნებს ყველა სიახლეს.
"იუნაიტედის" შენაძენების სია ამ სატრანსფერო ფანჯარაზე სულ 2 ფეხბურთელს ითვლის, ესენი არიან: გილერმო ვარელა და უილფრედ ზაჰა.
დევიდ მოიესს ძალიან სურს თავისი ყოფილი შეგირდის, მაროუნ ფელაინის "წითელ ეშმაკუნებთან" გადმობირება, არც ფეხბურთელი მალავს ამის სურვილს და სწორედ დღეს მან "ევერტონის" ხელმძღვანელობას სხვა გუნდში, კერძოდ "იუნაიტედში" გაშვება მოსთხოვა.
DailyMail_ის ცნობით წინადადება ოფიციალურია და ალბათ "ევერტონის" თავკაცს სხვა გზა აღარ აქვს, გარდა იმისა, რომ 25 წლის ბელგიელს მწვანე შუქი აუნთოს და "მანჩესტერისაკენ" გზა დაულოცოს.