ჩრდილო-დასავლური დერბის დაყწებამდე "იუნაიტედის" რამდენიმე გულშემატკივარი იხსენებს საინტერესო მოვლენებს, რომლებიც ამ დაპირისპირებაში მომხდარა.ამჯერად, ადამ მარშალმა გაიხსენა გორდონ სტრაჩარის გოლის აღნიშვნა:

არ არის გასაკვირი, რომ 1987/88 წლების სეზონს ლივერპული ლიდერობდა.ისინი პირველ ადგილს იკავებდნენ და ამაყად გადმოჰყურებდნენ მთლიან დივიზიონს."იუნაიტედმა" მეორე ადგილი დაიკავა, მაგრამ ლიდერს ცხრა ქულით ჩამორჩა, მიუხედავად იმისა, რომ ბოლო ხუთი მატჩი მოიგო.იმ პერიოდში ლივერპული საუკეთესო იყო-1980-იან წლებში ჩემპიონატი ექვსჯერ მოიგეს.მატჩს ლივერპული 3-1 ანგარიშით იგებდა, ამავდროულად ჩვენ კოლინ გიბსონი გაგვიძევეს.ძნელად წარმოსადგენი იყო, თუ შეძლებდა "იუნაიტედი" ერთი გოლის გატანას მაინც, მაგრამ ბრაიან რობსონმა შეაგდო და ანგარიში შეამცირა.მაგრამ მაინც მერსისაიდელები იგებდნენ.ქულის წამოღება "ენფილდიდან" არ იქნებოდა ურიგო, იმის ფონზე, რომ დალგლიში და კომპანია დაფრინავდნენ.ნორმან უატსაიდი, რომელიც შეცვლაზე შემოვიდა, დაეხმარა გუნდს ანგარიშის გათანაბრებაში.პეტერ დევენპორტი კარგად შემოტრიალდა კარისკენ და პასი გაუკეთთა გორდონ სტრაჩანს, რომელიც ერთი-ერთზე აღმოჩნდა ბრიუს გლობელაართან 77-ე წუთზე.შოტლანდიელი სასაცილო ადამიანი იყო.გაუტანა თუ არა მეკარეს, მაშინვე გოლის აღნიშვნა დაიწყო-ის წარმოსახვით სიგარას აბოლებდა ლივერპულის ფანების წინ.