რობინ ვან პერსი "იუნაიტედის" აგვისტოს თვის საუკეთესო მოთამაშე გახდა.ფანების უმეტესმა ნაწილმა სწორედ მას მისცა ხმა გამოკითხვაში, რომელსაც მანჩესტერის ოფიციალური საიტი ატარებდა:"ყოველთვის სასიამოვნოა პრიზების მოგება, განსაკუთრებით მაშინ, როდესაც გადაწყვეტილებას ის გულშემატკივრები იღებენ, ვინც ყოველ კვირას უყურებს ჩვენ მატჩებს, არ აქვს მნიშვნელობა ის "ოლდ ტრაფორდზე" იმყოფება, თუ საერთოდ სხვა ქვეყანაში.ასე რომ, ყველა ფანს მადლობას ვუხდი, ვინც მე მომცა ხმა.მე გავიტანე ოთხი გოლი, მაგრამ ეს არ არის მნიშვნელოვანი.მთავარია გუნდმა კარგად დაიწყო ახალი სეზონი".

ჰოლანდიელმა 2-ჯერ გაიტანა "ქომუნითი შილდის" თასის ფინალში "უიგან ატლეტიკის" წინააღმდეგ, შემდეგ კი ამდენივე გოლი გაუტანა "სუონსის" პრემიერ ლიგის მატჩში."ჩელსისთან" მატჩამდე ის ლიდერობდა ბომბარდირთა დავას.სულ აგვისტოს საუკეთესო მოთამაშის ტიტულისთვის სამი მოთამაშე იბრძოდა.რობინმა ხმების 57 პროცენტი მიიღო.მან გაუსწრო ნემანია ვიდიჩს(26 პროცენტი) და დენი უელბეკს(17 პროცენტი).