ინგლისში მოსვლის პირველივე დღეს ჟოზემ დაიწყო იმის გაკეთება, რაც ყველაზე უკეთ ეხერხება - სკანდალური განცხადებების კეთება. "იუნაიტედთან" მატჩამდე პორტუგალიელი ენას არ აჩერებს. ის არაერთგვაროვანი განცხადებებით საუბრობს "მანჩესტერზე" და დევიდ მოიესზე. მიუხედავად ამისა რიო ფერდინანდს ეჭვი ეპარება, რომ ეს სკანდალები მოურინიოს პირველი ადგილის დაკავებაში დაეხმარება. "ის ფაქტი, რომ მათ ახალი მწვრთნელი ჰყავთ ამ მატჩს დინამიკას მატებს. რა თქმა უნდა მოურინიო მნიშვნელოვანი ფიგურაა, ის ადრეც მუშაობდა აქ და ინგლისს კარგად იცნობს. ის ძალიან უყვარს პრესას, რადგანაც ის ბევრ სკანდალურ და საინტერესო განცხადებას აკეთებს, თუმცა დაეხმარება თუ არა ეს ჩვენი შარშანდელი წარმატების განმეორებაში ? ეჭვი მეპარება. მისი ყველა მცდელობა ვერაფერს დაგვაკლებს და ჩვენ მზად ვიქნებით ამ მატჩისთვის. ჩვენი რთული კალენდარი ასევე უყვარს პრესას. მას შეუძლია სტატიისთვის ბევრი სათაური უკარნახოს ჟურნალისტებს. როდესაც კალენდარს პირველად შევხედრე ვიფიქრე, რომ ეს ძალიან რთული გამოცდა იქნებოდა. ეს ასეც არის, მაგრამ ჩემი აზრით მწვრთნელისთვის ეს ძალიან საინტერესოც უნდა იყოს, თუ გავითვალისწინებთ იმასაც, რომ დევიდი ამ სეზონში შუერთდა გუნდს. ამ ექვსი მატჩის შემდეგ ცხრილში მაღალ პოზიციას თუ დავიკავებთ, ეს კლუბს ფსიქოლოგიურად ძალიან წაადგება. ყოველთვის ვამბობ, რომ ახალ წლამდე ვერ გაიგებ ვის რა შეუძლია, თუმცა იმასაც არ ვიტყვი, რომ ეს მატჩები არაფერს ნიშნავს. რა თქმა უნდა ჩვენ სეზონის კარგად დაწყება გვინდა, თუმცა თუ რამე ცუდად წავიდა ჩვენ ყოველთვის გვაქვს შანსი კარგი ფინიშისთვის" - განაცხადა "იუნაიტედის" მცველმა.